Ti Isyu Maipapan iti Nagtaudan ti Biag

KADAGITI eskuelaan ken media idiay Francia, maisursuro ti teoria nga ebolusion kas naan-anay a kinapudno. Nagbanaganna, uray no mamati dagiti tattao iti Dios, masansan nga ibilangda ti ebolusion a ti kakaisuna a makailawlawag iti nagtaudan ti biag. Ngem adu ti masmasdaaw iti kinakomplikado dagiti sibibiag nga organismo isu a dida patien dayta a teoria. Naawat ti sanga nga opisina dagiti Saksi ni Jehova idiay Francia ti sumaganad a surat:

“Nabiit pay a nasarakak ti impablaakyo a libro a napauluan iti Life​—How Did It Get Here? By Evolution or by Creation? iti paglakuan kadagiti segunda mano a libro. Nagustuak unay daytoy bassit a libro agsipud ta patiek a lawlawaganna dagiti agpayso nga isyu a maus-usig. Kas nasanay a pisiko, adu a tawenen nga interesadoak kadagiti komplikado a parikut maipapan iti ‘Darwinismo’ ken dadduma pay a ‘teoria ti ebolusion.’ Dagitoy kano ti mangilawlawag iti panagbalin dagiti awan biagda a banag kas sibibiag nga organismo, wenno ti itataud ti biag manipud kadagiti awan biagda a banag.”

Kalpasan a nabasana ti dineskribirna a “bassit a libroyo,” kinuna ti nagsurat: “Nagsayaat ti pannakaaramid ti Life​—How Did It Get Here? By Evolution or by Creation? Nagadu ti linaonna nga ebidensia ken nagsayaat ti pananggupgopna kadagiti narigat ken di marisut a panagsisimparat dagiti kapanunotan a sarsarangten ti teoria ti ebolusion nga intandudo da Mendel ken Darwin a gagangay nga akseptaren ita ti adu a sientista.” Kalpasanna, nagkiddaw iti kanayonan nga impormasion.

No kayatmo ti maaddaan iti Life​—How Did It Get Here? By Evolution or by Creation?, pangngaasim ta suratam ti naipakuyog a kupon ken ibusonmo dayta iti address a naipaay wenno iti maitutop nga address iti panid 5 daytoy a magasin.

□ Kayatko ti maaddaan iti libro a Life​—How Did It Get Here? By Evolution or by Creation?

□ Interesadoak iti libre a panagadal iti Biblia.