“Nasarakan ti Maysa a Mapagtalkan!”

Nakasarak ni Patricia iti portpolio a nabati iti maysa nga opisina ti gobierno idiay siudad ti Cuernavaca, Mexico. Idi linukatanna, nakitana a naglaon dayta iti sumagmamano a credit card ken napirmaan a blanko a tseke, agraman ti ID kard ti maysa nga arkitekto. Apaman a nakaawid, tineleponuanna ti arkitekto tapno ibagana a nasarakanna ti portpolio. Gapu ta nasdaaw unay ti arkitekto, kinunana: “Yaman pay Apo ta nasarakan ti maysa a mapagtalkan!”

Idi immay ti lakay nga arkitekto iti balay ni Patricia tapno alaenna ti portpoliona, imbagana a ni Patricia ket kayarigan ti maysa nga anghel nga imbaon ti Dios. Kinuna ni Patricia nga isu ket maysa a Saksi ni Jehova sana inlawlawag: “Agserserbiak iti pudno a Dios a ni Jehova, ket isursuronak. Dayta ti gapuna nga isublik ti portpolioyo. Rumbeng ngarud a maipaay ken Jehova ti amin a pammadayaw.” Di inawat ni Patricia ti gunggona nga ited koma ti arkitekto. Imbes ketdi, inikkanna iti sumagmamano a literatura ti Biblia sana kiniddaw a basaen ti arkitekto tapno mabenepisiaran.

Kas iti adu a Saksi ni Jehova, inadal ni Patricia ti libro a Pannakaammo a Mangiturong iti Biag nga Agnanayon. Maysa kadagiti 19 a kapitulona ket napauluan iti “No Apay a Mangyeg iti Ragsak ti Nadiosan a Panagbiag.” Napaneknekan ni Patricia ti kinapudno ti subtema a “Ti Kinamapagtalkan Agresulta iti Kinaragsak.”

Mabalinmo ti agkiddaw iti daytoy 192 ti panidna a libro babaen ti panangsuratmo iti naipakuyog a kupon ken ibusonmo dayta iti address a naipaay wenno iti maitutop nga address a nailista iti panid 5 daytoy a magasin.

□ Kayatko ti maaddaan iti libro a Pannakaammo a Mangiturong iti Biag nga Agnanayon.

□ Interesadoak iti libre a panagadal iti Biblia.