“Masapul a Basaen ti Amin a Tattao”

Kasta ti panangiladawan ti maysa nga agbasbasa a taga California, E.U.A., iti libro nga Umadanika ken Jehova. Kastoy ti imbagana: “Nagsayaat ti pannakaisuratna, nagpintas dagiti ilustrasionna, ken napnuan iti adu a naespirituan a gameng.” Kas pangngudona, kinunana: “Pagyamanan unay iti daytoy nagsayaat a libro maipapan iti nadayag a Diostayo.”

Umasping met laeng iti dayta ti nakuna ti dadduma a nangibaga iti: “Ita ta nabasakon, talaga a medio naladingitak ta naungpotkon. Ngem kayatko manen a basaen sa adalek ken mennamennaekton a naimbag dagiti linaonna.”

Adda pay sabali a nagsurat iti kastoy: “Ti impormasion maipapan iti kinaasi ti Diostayo ken ti masindadaan a panangpakawanna ti nangpikapik iti kaunggan ti pusok ket talaga a pinasingednak iti nailangitan nga Amatayo ken Nangted-Biag kadatayo.”

Patienmi nga ad-adda nga umadanikanto iti nailangitan nga Amatayo a ni Jehova babaen ti panangbasam iti daytoy a libro. Nabingay dayta iti uppat a paset a napauluan iti “Nakired iti Pannakabalin,” “Managayat iti Kinahustisia,” “Masirib iti Puso,” ken “Ti Dios ket Ayat.” Adda tallo a panglukat a kapitulo kadagitoy a paset, a mangipaganetget kadagiti kangrunaan a galad ti Dios. Agngudo daytoy 31 ti kapitulona a libro babaen ti kapitulo nga “Umadanikayo iti Dios, ket Isu Umadaninto Kadakayo.”

Mabalinmo ti agkiddaw iti daytoy 320 ti panidna a libro a naingpis a karton ti akkubna babaen ti panangsuratmo iti naipakuyog a kupon ket ibusonmo dayta iti address a naipaay wenno iti maitutop nga address iti panid 5 daytoy a magasin.

□ Kayatko ti maaddaan iti kopia ti libro nga Umadanika ken Jehova.

□ Interesadoak iti libre a panagadal iti Biblia.