Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 22 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Asino ti agassawa a damo a nailanad iti Biblia a naitanem iti rukib ti Macpela nga asideg idiay Hebron, ken asino pay ti dadduma a naitanem sadiay? (Genesis 49:29-33; 50:13)

2. Asino nga anak ni David ti nadeskribir a naisangsangayan ti kinalibnosna? (2 Samuel 14:25)

3. Ni apostol Pablo ket umili ti ania a lugar manipud pannakaipasngayna? (Aramid 22:25-28)

4. Ania a pakdaar ti naited ken ni Adan maipapan iti maiparit a bunga? (Genesis 2:17)

5. Kalpasan a di pinatgan ni Ari Rehoboam ti kiddaw dagiti umili, asino ti imbaonna kadagiti immalsa a tribu iti amianan, ket ania ti napasamak iti dayta a tao? (2 Cronicas 10:18)

6. Ania ti kayat a sawen ni Jesus idi imbagana nga “awan ti makabalin nga agpaadipen iti dua nga appo”? (Mateo 6:24)

7. Idi nangted ni Jehova iti manna a pagtaraon dagiti Israelita, ania ti napasamak iti aniaman a dida pinidut? (Exodo 16:21)

8. Asino ti nangliput ken Jesus? (Lucas 6:16)

9. Asino ti kangrunaan a didiosen dagiti Ammonita? (2 Samuel 12:30)

10. Ania a paset ti bagi ti tao ti masansan a mausar a piguratibo iti Biblia a mangirepresentar iti abilidad a mangipakita iti dakkel a bileg wenno pannakabalin? (Jeremias 32:17)

11. Asino ti nangibaga ken ni Ari Asuero a rumbeng a maikkat iti kinareyna ni Vasti ken masukatan iti sabali a reyna? (Ester 1:14-20)

12. Kasano a napasam-it ni Moises ti napait a danum iti Mara? (Exodo 15:23-25)

13. Nangrugian dagiti Israelita iti panagmartsada a pimmanaw? (Exodo 12:37)

14. Asino ti nangipadamag ken ni Josias iti irarang-ay ti pannakatarimaan ti templo ken nangibasa iti ari manipud iti “libro ti linteg” a nasarakan sadiay? (2 Ar-ari 22:8-10)

15. Ania ti kolor ti uppat a kabalio a nakita ni Juan a nailanad iti Apocalipsis, ket ania ti iladladawanda? (Apocalipsis 6:2-8)

Dagiti Sungbat ti Pannubok

1. Da Abraham ken Sara; agraman da Isaac, Rebecca, Lea, ken Jacob

2. Ni Absalom

3. Roma

4. “Iti aldaw a manganka manipud iti dayta mataykanto a di bumurong”

5. Ni Hadoram, ti agay-aywan kadagidiay naipasalista a maipaay iti pinuersa a panagtrabaho. Naubor agingga a natay

6. “Saanyo a mabalin ti agpaadipen iti Dios ken iti Kinabaknang”

7. “Idi pimmudoten ti init, narunaw dayta”

8. Ni Judas Iscariote

9. Ni Malcam

10. Ti takiag

11. Ni Memucan, ti pannakangiwat dagiti pito a prinsipe ti Medo-Persia

12. “Isu inturong ni Jehova iti maysa a kayo, ket impuruakna dayta iti danum”

13. Idiay Rameses

14. Ni Safan, ti sekretario ti ari

15. Puraw​—nalinteg a gubat; maris-apuy​—aramid-tao a gubat; nangisit​—bisin; nabessag​—ipapatay