“Babbai​—Maikarida iti Panagraem”

Ti 17 ti tawenna nga estudiante iti kolehio idiay India ti nakisalip iti panagbitla iti publiko nga inyurnos ti pages-eskuelaanna. Inkeddengna nga usaren ti serye ti akkub a “Babbai​—Maikarida iti Panagraem,” iti Hulio 8, 1992 a ruar ti Agriingkayo!, a pakaibarasan ti bitlana.

Ti tema ti bitlana ket “Babbai​—Mararaemda Kadi Itatta?” Ania ti resulta? “Nagun-odak ti umuna a premio iti salip,” impadamagna. “Kayatko nga iyebkas ti kasta unay a panagyamanko iti Agriingkayo!,” kinunana pay. “Dakkel ti maitulongna kadakami nga agtutubo agsipud ta kanayon a suruan ken pakaammuannakami kadagiti baro nga impormasion. Tultulongannakami pay a mangdaer kadagiti pakarigatan iti daytoy a lubong.”

Nagustuam kadi a binasa daytoy a ruar ti Agriingkayo!? Naisurat daytoy a pakalawlawagan ti intero a pamilia, saan laeng a para kadagiti agtutubo. Sukimaten ken ipaganetget daytoy a magasin ti pudno a kaipapanan dagiti agdama a pasamak. Iti Iloko, maipabpablaak dayta iti mamindua iti kada bulan. Dika palabsen ti tunggal ruarna!