Dagiti Tulbek iti Naballigi a Panagasawa

“Ti apagapaman a pananggulib: dayta ti tulbek iti naballigi a romantiko a relasion,” kuna ti La Presse. Ipadpadamag ti periodiko ti Canada ti maysa a panagadal a namagbalin a makaay-ayo ti panagulbod. Ti panagadal ket naipablaak iti Journal of Social and Personal Relationships. Kinuna ni propesor Tim Cole, iti De Paul University, Chicago, E.U.A.: “Babaen ti apagapaman a pananggulib [wenno panagulbod], masalaknibantayo dagiti pagimbagan ti maysa [a romantiko] a relasion a di maan-ano dayta.”

Nupay kasta, agpayso aya a ti panangallilaw ti tulbek iti naballigi a panagasawa? Balakadan ti Biblia dagiti Kristiano: “Ita ta inwaksiyon ti kinaulbod, sawenyo ti kinapudno tunggal maysa kadakayo iti padana a tao.” (Efeso 4:25) Epektibo aya daytoy a pammagbaga? Idi napagsaludsodan iti, Ania ti kangrunaan a pagsinaan ti agassawa?, kinuna ti maysa nga abogado a mangtamtaming kadagiti kaso a nainaig iti diborsio: “Saan a makapagpinnudno ti agassawa, dida maipudno ti rikna ken kapanunotanda ken dida agtrinnato kas kasingedan nga aggayyem.”

Ania ngarud ti sekreto iti naragsak a panagasawa? Ti kapitulo 3 ti libro a Ti Sekreto ti Kinaragsak iti Pamilia ket napauluan iti “Dua a Tulbek iti Manayon a Panagasawa.” Ilawlawagna ti dua a kangrunaan a mangparagsak iti panagbiag ti agassawa ken makatulong a mangtaginayon iti kinaragsakda. Mabalinmo ti agkiddaw iti daytoy a libro babaen ti panangsurat ken panangibusonmo iti kupon iti address a naipakita wenno iti maitutop nga address a makita iti panid 5 daytoy a magasin.

□ Kayatko ti maaddaan iti libro a Ti Sekreto ti Kinaragsak iti Pamilia.

□ Interesadoak iti libre a panagadal iti Biblia.