Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Ania ti imbilin ni Jehova a saan a pulos nga agsarday? (Genesis 8:22)

2. Ania a makaagas a mulmula ti imbaga ni Jesus a pulos a di maliwayan dagiti Fariseo nga ited kas apagkapullo, bayat a dida ikankano “ti kinahustisia ken ti ayat iti Dios”? (Lucas 11:42)

3. Ania ti imbaga ni Jesus a wagas ti panagsublina? (Apocalipsis 16:15)

4. Mano a Filisteo ti kinabil ni Samson babaen ti “sadiwa a tulang ti panga ti maysa a kalakian nga asno”? (Uk-ukom 15:15)

5. Ania ti nayawag ken ni Jesus agsipud ta isu ti kakaisuna a direkta a pinarsua ni Jehova? (Juan 3:18)

6. Ania dagiti imbilin ni Pablo kadagiti taga Tesalonica maipapan kadagiti sadut? (2 Tesalonica 3:10, 12)

7. Ania ti imbaga ni Jesus a rumbeng nga aramiden ti amin tapno ‘sumrekda iti akikid a ruangan’? (Lucas 13:24)

8. Ania a siudad ti nagbalin a katupag ti kaamiananan nga Israel? (1 Samuel 3:20)

9. Kasano a pinakdaaran ti Dios dagiti astrologo a simmarungkar ken Jesus tapno didan agsubli iti mammapatay a ni Ari Herodes? (Mateo 2:12)

10. Gapu ta saan a manayonan dagiti titulo sakbay wenno kalpasan ti nagan ni Jesus kadagiti Kasuratan, aniada a kombinasion ti saan a pulos a masarakan sadiay?

11. Apay a ti maysa a manangaywan iti kongregasion ket rumbeng nga “addaan iti nasayaat a pammaneknek manipud kadagiti tattao iti ruar”? (1 Timoteo 3:7)

12. Nakasarakan ken nangisuruan ni Felipe iti Etiope a eunuko? (Aramid 8:26)

13. Ania ti dusa ni Saul gapu ta sinukirna ti bilin ni Jehova a talipuposenna dagiti Amalekita agraman dagiti arban ken pangenda? (1 Samuel 15:23, 26)

14. Apay a nagbiag ni Abraham a ganggannaet ken temporario nga umili iti kaaduan a paset ti biagna? (Hebreo 11:10; 12:22)

15. Ni Barabas, a winayawayaan ni Pilato imbes a ni Jesus, ket nakabasol kadagiti ania a krimen? (Lucas 23:25; Juan 18:40)

16. Ania ti nagan ti lalaki idiay Lidda, a paralisado ken “nakaidda iti langkapina iti walo a tawenen,” a pinaimbag ni Pedro? (Aramid 9:32-34)

Dagiti Sungbat ti Pannubok

1. “Panagimula iti bin-i ken panagani, ken ti lamiis ken pudot, ken ti kalgaw ken kalam-ekna, ken ti aldaw ken rabii”

2. Yerbabuena ken ruda

3. “Kas maysa a mannanakaw”

4. 1,000

5. “Ti bugbugtong nga Anak ti Dios”

6. “No ti asinoman saanna a kayat ti agtrabaho, saan met koma a mangan.” “Babaen ti panagtrabaho buyogen ti kinaulimek manganda koma iti taraon a mateggedda a mismo”

7. “Umagawakayo a sipipinget”

8. Dan

9. Babaen ti tagtagainep

10. “Apo Kristo Jesus” ken “Ari Kristo Jesus”

11. “Tapno saan a matnag iti pannakaumsi ken iti silo ti Diablo”

12. Iti desierto a dalan nga agpasalog manipud Jerusalem agingga iti Gaza

13. Inlaksid ni Jehova ‘iti panagtultuloyna nga ari iti Israel’

14. Agsipud ta ur-urayenna “ti siudad nga addaan kadagiti pudpudno a pamuon,” ti nailangitan a Jerusalem

15. Sedision, panangpapatay, ken panagtakaw

16. Eneas