Ti Biag ni Jesus Maapresiar Unay a Sagut

Dandani 2,000 a tawenen ti napalabas, inted ti Dios ti kapatgan a sagutna iti sangatauan​—ti biag ti Anakna a ni Jesu-Kristo, tapno makapagbiagtayo nga agnanayon. (Juan 3:16) Gapu iti panangapresiarda iti dayta, adu ti nangisagut kadagiti gagayyem ken kabagianda iti libro a Ti Katan-okan a Tao a Nagbiag Pay Laeng a mangilawlawag iti biag ni Jesus kas iti pannakaisalaysayna iti uppat nga Ebanghelio.

Iti nabiit pay, inlawlawag ti maysa a lalaki a dayta a libro ti itedna kadagiti mangipatulod kenkuana iti Krismas kard. Suratanna ida sana ilawlawag iti ababa no apay a dinan ramrambakan ti Krismas, nga usarenna dagiti reperensia manipud iti ensiklopedia, diksionario, ken Biblia. Kalpasanna, mangiragpin iti libro a Ti Katan-okan a Tao a Nagbiag Pay Laeng.

Imbaga daytoy a lalaki a nakaawat iti dua a makaparegta unay a subalit manipud kadagiti propesor iti unibersidad. Kastoy ti kinuna ti maysa a surat: “Dimteng idi kalman ti nagpintas a sagutmo a Ti Katan-okan a Tao a Nagbiag Pay Laeng. Naragsakankami amin a nangawat iti dayta. Nagadu ti nagpipintas a pasetna. Masansan nga us-usarenmin daytoy nga impormasion.”

Nairaman iti daytoy a libro dagiti palawag, ilustrasion ken milagro ni Jesus. Naikagumaan a naisalaysay ti amin sigun iti agsasaganad a pannakapasamakda. Napintas met dagiti ladawan iti libro, ta siaannad a nasirarak dagiti ilustrasion a nadisenio a mangipasimudaag iti rikna ni Jesus ken ti kakaduana.

No kayatmo ti maaddaan iti kopia daytoy 448 ti panidna a libro, pangngaasim ta suratam ti naipakuyog a kupon ken ibusonmo babaen ti panangusarmo iti adres a naipaay wenno iti maitutop nga adres iti panid 5 daytoy a magasin.

□ Interesadoak a makaawat iti libro a Ti Katan-okan a Tao a Nagbiag Pay Laeng.

□ Interesadoak iti libre a panagadal iti Biblia.