‘Ababa Ngem Napno iti Impormasion’

Kasta ti panangdeskribir ti maysa a babai iti broshur nga Ania ti Kalikaguman ti Dios Kadatayo? sana inlawlawag no apay a kasta ti imbagana. Kinunana: “Gapu iti panangusar ti maysa a baket nga agnagan iti Gloria iti daytoy a broshur, kayatna manen a basaen ti Biblia. Nupay saan idi a makatugaw ken dina maipamaysa ti panunotna iti panagbasana a siuulimek, makapagadal itan iti aginggat’ dua nga oras. Nasaksakbay nga isagsaganana ti amin nga adalenna sana sukimaten ti amin a teksto.”

Ti Ania ti Kalikaguman ti Dios Kadatayo? ket maysa a 32 ti panidna a publikasion, a kadkadakkel daytoy a magasin. Ilawlawagna no ania ti panggep ti Dios iti sangatauan ken ibagana no ania ti masapul nga aramidentayo tapno anamongannatayo. Mairaman kadagiti makaay-ayo a leksionna ti “Siasino ti Dios?,” “Siasino ni Jesu-Kristo?,” “Ania ti Panggep ti Dios iti Daga?,” ken “Ania ti Pagarian ti Dios?”

No kayatmo ti agkiddaw iti kopia, suratam laeng ti naipakuyog a kahon ken ibusonmo iti adres a naipaay wenno iti maitutop nga adres a nailista iti panid 5 daytoy a magasin.

□ Interesadoak a makaawat iti broshur nga Ania ti Kalikaguman ti Dios Kadatayo?

□ Interesadoak iti libre a panagadal iti Biblia.