‘Linawlawaganna Dagiti Panagduaduak Maipapan iti Nagan ti Dios’

Kasta ti imbaga ti maysa a Kastila a taga San Diego, California, idi nagsurat iti sanga nga opisina dagiti Saksi ni Jehova idiay Estados Unidos. Inlawlawagna: “Nupay saanak a miembro ti organisasionyo, kaay-ayok a basaen ti literaturayo. Nakapagsuratak tapno kablaawankayo. Nagustuak ti maysa a broshur a naibasura tallo nga aldaw ti napalabasen. Pinidutko nupay nabasa. Ti Nasantuan a Nagan nga Agtalinaed iti Agnanayon ti paulona. Kalpasan a pinamagaak, sinukimatko a naimbag.

“Ita pay la a nagustuak unay ti maysa a publikasion. Para kaniak, awanen kapadana iti intero a lubong. Linawlawaganna ti amin a panagduaduak maipapan iti nagan ti Dios. Us-usarek daytoy naperdin a broshur tapno isurok ti nasantuan a nagan kadagiti relihioso a gagayyemko. Damagek kadakuada no ‘Ania ti nagan ti Dios?’ ngem dida ammo! Kalpasanna, ipakitak ti broshur. Pangngaasiyo ta patulodandak iti tallo a baro a kopia iti lenguahe nga Espaniol.”

Mabalinmo ti agkiddaw iti daytoy 32 ti panidna a broshur a Ti Nasantuan a Nagan nga Agtalinaed iti Agnanayon babaen ti panangsuratmo iti naipakuyog a kupon ken panangibuson iti dayta iti adres a naipaay wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti broshur a Ti Nasantuan a Nagan nga Agtalinaed iti Agnanayon.

□ Interesadoak iti libre a panagadal iti Biblia.