“Makaisuro Unay”

DAYTOY ti naikomento iti maysa nga internasional nga eksibit ti arte idiay Kassel, Alemania, maipapan kadagiti ladawan iti literatura dagiti Saksi ni Jehova. Isalaysay ti 16 ti tawenna a ni Katja ti napasamak idi kaduana dagiti padana nga estudiante a nagpasiar iti eksibit ken nangbuya iti dadduma kadagiti narelihiosuan nga obra ti arte:

“Dinamag ti giyami kadagiti estudiante no pinadasdan a sinukimat ti magasin dagiti Saksi ni Jehova. Idi kinunada a saan pay, rinugiannan a dinayaw dagiti ilustrasion iti Pagwanawanan ken Agriingkayo! Imbagana a nagpaiduma ti pannakaipinta dagiti ladawan, nagsayaat ti pannakapili dagiti retrato ken ‘makaisuro unay’ dagitoy.

“Imbagana kadakami a rumbeng a sukimatenmi a naimbag dagitoy makapainteres a ladawan,” ta kinunana a gapu kadagiti moderno a pannakailadawan dagiti pasamak iti Biblia, nalakami a maawatan no kasano nga agaplikar dagitoy iti kaaldawantayo. Kalpasanna, pinaregtana dagiti estudiante nga awatenda dagiti magasin no maitukon dagitoy ken saanda laeng a kitaen dagiti ladawan no di ket basaenda met dagiti makaisuro ken makapainteres unay nga artikulo dagitoy.