‘Kitaem ti Nasayaat a Daga’

Kastoy ti insurat ti maysa a babai kalpasan a rinepasona ti kaipabpablaak a broshur a napauluan iti ‘Kitaem ti Nasayaat a Daga’ maipapan kadagiti mapa ti Biblia: “Daytoy nagsayaat nga alikamen ti talaga a kasapulak. Ita, nagbalinen a makapainteres kaniak dagiti lugar, tattao, ken kasasaad a nadakamat kadagiti Kasuratan.”

Daytoy de kolor a broshur nga addaan iti 36 a panid ti tumulong kadagiti agad-adal iti Sao ti Dios a mangiladawan iti panunotda kadagiti salaysay ti Biblia. Kinuna pay ti babai: “Idi nakitak ti nagdumaan ti kangato ti templo ken ti daga iti aglawlawna, naawatak dagiti teksto a mangdakamat iti ‘kinatan-ok’ ti panagdayaw ken Jehova. Daytat’ dakkel a tulong tapno maawatak a naimbag ti pannakaipasdek dagiti siudad a pagkamangan, agraman ti dadduma pay a lugar agpadpada iti Hebreo ken iti Griego a Kasuratan. Rinugiakon nga inusar daytoy nagpintas a broshur iti panagadalko iti Aramid a libro iti Biblia.”

Kastoy ti paggibusan a paset ti surat ti babai: “Usarekto a kanayon daytoy napintas a sagut bayat a basaek ti Sao ti Dios.”

Mabalinmo ti agkiddaw iti daytoy a broshur a napauluan iti ‘Kitaem ti Nasayaat a Daga’ babaen ti panangsuratmo iti naipakuyog a kupon ken panangibusonmo iti dayta iti adres a makita iti kupon wenno iti maitutop nga adres iti panid 5 daytoy a magasin.

□ Kayatko ti maaddaan iti broshur a ‘Kitaem ti Nasayaat a Daga.’

□ Interesadoak iti libre a panagadal iti Biblia.

[Picture Credit Line iti panid 32]

Pictorial Archive (Near Eastern History) Est.