Liwliwa iti Umiso a Tiempo

Adu a tattao ti agkasapulan iti liwliwa kadagitoy napeggad a tiempo, nangruna no pimmusay ti ing-ingungotenda. Maysa a babai ti nagsaruno a naalisan ken natayan iti ina. Kastoy ti insuratna iti sanga nga opisina dagiti Saksi ni Jehova idiay Mexico: “Naliwliwaak unay idi naawatko ti broshur a No Adda Matay nga Ay-ayatenyo. Nakapatpateg daytoy nga impormasion a dimteng iti umiso a tiempo. Agyamanak iti Nakristianuan nga ayat ken kinasaetyo a mangipaay kadagiti naibasar iti Biblia a publikasion a kas iti daytoy.”

Dagiti teksto a nadakamat iti broshur ti nangnangruna a nakaliwliwa kenkuana. Kas pagarigan, kuna ti 1 Corinto 15:26: “Kas ti maudi a kabusor, ni patay mapukawto.” Nalabit maliwliwaka wenno adda am-ammom a maliwliwa met inton mabasana daytoy 32 ti panidna a broshur. Lawlawagan ti No Adda Matay nga Ay-ayatenyo dagiti topiko a kas iti “Kasano a Maibturak ti Ladingitko?,” “Kasano a Makatulong ti Sabsabali?,” ken “Ti Sigurado a Namnama Para Kadagiti Natay.”

Mabalinmo ti agkiddaw iti kopia babaen ti panangsurat ken panangibusonmo iti naipakuyog a kupon iti adres a makita iti dayta wenno iti maitutop nga adres iti panid 5 daytoy a magasin.

□ Kayatko ti maaddaan iti broshur a No Adda Matay nga Ay-ayatenyo.

□ Interesadoak iti libre a panagadal iti Biblia.