Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Naaramid iti ania dagiti sulluop a batay para iti pamuon ti tabernakulo? (Exodo 26:19-32)

2. Impakpakauna ni Jesus nga isut’ ilibak ni Pedro iti mamin-ano a daras? (Mateo 26:75)

3. Ania a tallo a kalidad ti pakailasinan ti kongregasion Kristiano kalpasan nga awanen dagiti namilagruan a sagut ti espiritu? (1 Corinto 13:13)

4. Apay a minamaag ti agdayaw kadagiti didiosen? (Salmo 115:4-8)

5. Ania a pammagbaga maipapan iti panagkawes ti inted ni Pablo kadagiti Kristiano a babbai? (1 Timoteo 2:9, 10)

6. Apay nga imbilang ni Pablo ti bagina a “ti kabassitan kadagiti apostol”? (1 Corinto 15:9)

7. Ania nga igam ti inusar ni Samson a nangpatay iti 1,000 a Filisteo a lallaki? (Uk-ukom 15:15)

8. Iti sinigsiglon, ania nga insekto ti nausar a taraon idiay Makintengnga a Daya? (Levitico 11:22)

9. Iti nagsaruno a dua nga aldaw, ania ti inwaragawag ni Juan a Mammautisar maipapan ken Jesus? (Juan 1:29, 35, 36)

10. Gapu iti nakaisaadanda iti bagi, ania a paset ti nausar iti Biblia a mangirepresentar iti kaunggan a panunot ken rikna ti maysa a tao? (Apocalipsis 2:23)

11. Iti palgaak ni Juan, siasino dagiti nakita a nakatugaw iti aglawlaw ti trono ni Jehova? (Apocalipsis 4:4)

12. Ania a bukel ti dineskribir ni Jesus kas “ti kabassitan iti amin a bukel iti daga”? (Marcos 4:31)

13. Idi nakadanon ni Pablo idiay Atenas iti maikadua a panagdaliasatna kas misionero, asino ti dua a lallaki a kiniddawna nga “umay kenkuana iti kabiitan a panawen”? (Aramid 17:15)

14. Siasino ti kangrunaan a Kabusor ti Dios? (Job 1:6)

15. Siasino ti nagkamali a nangbabalaw ken ni nalinteg nga Anna kas nabartek? (1 Samuel 1:12-16)

16. Siasino ti “awan serserbina a lalaki” a nagrebelde ken ni David ken nakaigapuan ti panagrebelde ti amin a lallaki ti Israel kenkuana, malaksid iti Juda? (2 Samuel 20:1, 2)

17. Imbes a namilagruan a naipaayan iti manna, ania dagiti kinnanda idi idiay Egipto nga inil-iliw a kanen dagiti Israelita? (Numeros 11:5)

 Dagiti Sungbat iti Pannubok

1. Pirak

2. Tallo

3. Pammati, namnama, ken ayat

4. Awan ti biagda, inaramid ti tao dagitoy

5. A rumbeng a naurnos ken naemma, “iti wagas a maikari iti babbai a mangipakpakita iti panagraem iti Dios”

6. Agsipud ta ‘indadanesna ti kongregasion ti Dios’

7. “Naagneb a panga ti kalakian nga asno”

8. Dudon

9. “Kitaenyo, ti Kordero ti Dios!”

10. Dagiti bato

11. Nakita ni Juan ti 24 a panglakayen, a mangipasimudaag iti nailangitan a saad dagiti napulotan a pasurot ni Jesus

12. “Bukel ti mustasa”

13. Da Silas ken Timoteo

14. Ni Satanas

15. Nangato a Padi a ni Eli

16. Ni Sheba

17. Ikan, pipino, sandia, kutsay, sibuyas, ken bawang