“Agpayso nga Adda Di Makita a Persona”

Kastoy ti insurat ti maysa nga agtawen iti 13 a balasitang a taga New Mexico, E.U.A.: “Kabayatan ti klasemi iti siensia maipapan iti ebolusion, situtured nga imbagak ti kapanunotak maipapan iti amin nga ebidensia nga adda Namarsua. Inikkak ti maestrok iti siensia iti libro nga Is There a Creator Who Cares About You? ket kiniddawko a basaenna dayta, sa inlawlawagko a daytat’ nakatulongen kaniak. Naimpusuan a nagyaman ket inawatna ti libro.

“Agarup dua a lawas kalpasanna, inasitgannak ket imbagana a nabasanan ti libro ken patienna a dayta ti maysa kadagiti kasayaatan ti pannakaisuratna a libro a nabasana.

“Di nagbayag kalpasan daytoy, maysa kadagiti estudiante ti nagpakamatay, maysa a napintas a balasitang nga agtawen iti 15. Adu nga estudiante ti nagsangit ken naliday unay idi simrekda iti klasemi iti siensia. Nasdaawak ta rinugian ti maestromi ti saritaan maipapan iti dayta. Rinugianna babaen ti panagkunana: ‘Ammoyo kadi no ania ti nakatulong kaniak a mangiliwliwag iti ipapatayna?’ Sana imbaga a nakatulong ti inaramidko kenkuana. Kastoy ti kinunana: ‘Inikkannak iti bassit a libro a napauluan iti Is There a Creator Who Cares About You? Tinulongannak daytoy a mangammo a talaga nga adda di makita a persona a maseknan kadatayo ken uray no awanen ti sabali pay a dumngeg kadatayo, denggennatayo!’ Kimmalma ken naliwliwa ti klase kadagiti imbagana.”

Pinampanunotmo kadin no adda met la nabileg a nasientipikuan nga ebidensia a mangipatuldo iti kaadda ti Namarsua? Ket no kasta, adda aya pamatiantayo a maseknan kadatayo? Awisendaka a mangbasa iti daytoy a libro nga addaan iti 192 a panid.

Mabalinmo a suratan daytoy a kupon ken ibusonmo dayta iti naipaay nga adres wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti libro nga Is There a Creator Who Cares About You?

□ Interesadoak iti libre a panagadal iti Biblia.

[Picture Credit Line iti panid 32]

J. Hester and P. Scowen (AZ State Univ.), NASA