‘Tultulongannak nga Agibtur iti Pakasuotan’

Kasta ti panangiladawan ti maysa a managbasa manipud iti Connecticut, E.U.A., iti libro nga Umadanika ken Jehova. “Ad-adalek nga inaldaw ti sumagmamano a pasetna,” kinunana. “Kadagiti panawen a dandani diak makaanges gapu iti depression, ti apagbiit a panangadal tulongannak nga agibtur iti pakasuotan.”

Kinunana pay: “Ti ladawan ti naayat a pastor iti panid 69 pinaragsakna ti pusok. Apresiarek met ti punto iti panid 28, iti parapo 8, maipapan iti kapadasan ni Moises iti sumsumged a bassit a kayo idinto ta ‘uray pay ti daga iti aglawlaw ket nagbalin a nasantuan gapu iti pannakainaigna ken Jehova!’ No mapagbalin pay ni Jehova a nasantuan uray ti daga, no kasta mabalin nga adda met bassit a namnamak. Dakkel ti naitulong daytoy a kapanunotan kaniak agsipud ta kanayon nga ib-ibturak ti maulit-ulit a depression.”

Patienmi a mabenepisiaranka no basaem daytoy 320 ti panidna a libro nga Umadanika ken Jehova, a napuskol a papel ti akkubna. Mabalinmo ti agkiddaw iti kopia no suratam ti naipakuyog a kupon ken ibusonmo dayta iti naipaay nga adres wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti libro nga Umadanika ken Jehova.

□ Interesadoak iti libre a panagadal iti Biblia.