“Dakkel ti Nagbalbaliwak Gapu iti Dayta”

Kasta ti insurat ti barito nga agtawen iti 12 a taga Virginia, E.U.A., maipapan iti baro a libro nga Agsursuroka iti Naindaklan a Mannursuro. Imbagana a dayta ti nangisuro kenkuana kadagiti dadduma a banag a dina pay ammo ken dina pay pulos a nangngegan. Inlawlawagna:

“Insuronak ti Agsursuroka iti Naindaklan a Mannursuro a kanayon nga ayatek ti Dios, iranudko ti maipapan kenkuana iti siasinoman, ken agkararagak kenkuana. Dayta a libro ti nangisuro met kaniak a kiddawek iti Dios a tulongan ken salaknibannak. Naammuak a siasinoman nga agayat iti Dios ken mangaramid iti ibilbilinna ket agnaedto iti Paraiso.

“Dakkel ti nagbalbaliwak gapu iti dayta. Kanayon idi nga agul-ulbodak, ngem idi rinugiak a basaen daytoy a libro, insardengkon ti agulbod. Gapu kadagiti nasursurok iti daytoy a libro, kayatkon a basaen ti ad-adu pay a libro a kas iti daytoy. Isu a maragsakanak a mangbasa ken mangammo iti ad-adu pay maipapan iti Dios.”

Mabalin a kasta met ti mariknam no mabasam daytoy nagpintas dagiti ladawanna a libro nga addaan iti 256 a panid a kas iti kadakkel ti panid daytoy a magasin. Maragsakankanto met a mangbasa kadagiti kapitulo a kas iti “Sursuruannatayo ni Jesus nga Agkararag,” “Leksion iti Panagbalin a Naasi,” “Ti Sekreto ti Kinaragsak,” ken “No Apay a Saantayo Koma nga Agulbod.” Mabalinmo ti agkiddaw iti kastoy a libro babaen ti panangsuratmo iti naipakuyog a kupon ken panangibusonmo iti dayta iti adres a naipaay wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti libro nga Agsursuroka iti Naindaklan a Mannursuro.

□ Interesadoak iti libre a panagadal iti Biblia.

[Ladawan iti panid 32]

Panangisuro iti leksion maipapan iti panagulbod