No Kasano ti Umadani iti Dios

Adu ti mangisingasing iti panangbasa iti libro nga Umadanika ken Jehova. Kastoy ti insurat ti maysa nga agbasbasa: “Kabasbasak dayta, ket ita pay la a natukay unay ti riknak. Pagyamanan iti amin a palagip a talaga a naayat, nadungngo, naasi, ken maseknan nga Ama ni Jehova.”

Kastoy met ti kinuna ti maysa pay a babai maipapan iti nariknana: “Ti libro ti nangted kaniak iti gundaway a maam-ammok a naimbag ti Amak​—dagiti natan-ok a kapanunotan ken nasged a panagayatna kadatay amin. Kas man la ig-iggamak ti maysa a napateg a diamante, nga agrimatrimat ken napintas, ket no in-inutek a balinglingen tapno sukimatek ti tunggal parupana​—ad-adda a nakaay-ayat ti tunggal baro a kapitulo ngem iti napalabas.”

Kinuna ti maysa pay a babai: “Kabasbasak ti Umadanika ken Jehova. Idi nakadanonak iti maudi a dua a parapo, masapul nga agsardengak biit tapno agkararag agsipud ta nariknak ti kasta unay a panagamanga ken panagayat. Immuneg ti panagayatko ken kasta unay ti panagyamanko ken Jehova!”

Patienmi a kastanto met ti mariknam no basaem daytoy libro nga addaan iti 320 a panid. Mabalinmo ti agkiddaw iti kopia no suratam ti naipakuyog a kupon ken ibusonmo dayta iti naipaay nga adres wenno iti maitutop nga adres iti panid 5 daytoy a magasin.

□ Kayatko ti maaddaan iti libro nga Umadanika ken Jehova.

□ Interesadoak iti libre a panagadal iti Biblia.