Tulong Tapno Marisut Dagiti Parikut ti Pamilia

Maysa a babai idiay Veracruz, Mexico, ti naikkan iti magasin nga Agriingkayo! a nangilawlawag iti parikut ti pamiliana. Kastoy ti insuratna: “Nagustuak unay dayta agsipud ta inlawlawagna ti kasasaadko,” sana intuloy a kinuna iti suratna iti sanga nga opisina dagiti Saksi ni Jehova: “Daytoy nga impormasion ket makatulong kadakami ken ni lakayko agraman kadagiti annakmi.”

Innayon ti babai daytoy a kiddaw: “Kayatko a maammuan ti ad-adu pay maipapan kadagiti Saksi ni Jehova ken ti ayan ti kaasitgan a kongregasion. Kayatko ti makigimong a kadua ti pamiliak agsipud ta patiek a nasken nga agbalinkami a nasingsinged iti Dios.” Ti nailawlawag iti maudi a panid ti ruar ti Agriingkayo! a nagustuan unay daytoy a babai ket ti libro a Ti Sekreto ti Kinaragsak iti Pamilia, isu a nagkiddaw iti maysa a kopia.

Iti dayta a libro, adda agpaay iti tunggal miembro ti pamilia​—assawa a lallaki, assawa a babbai, nagannak, annak, apong​—wen, aminda. Karaman kadagiti makaisuro a kapitulona ket ti “Sanayenyo ti Anakyo Manipud iti Kinamaladaga,” “Tulonganyo ti Tin-edyeryo a Rumang-ay,” “Salaknibanyo ti Pamiliayo Kadagiti Makadadael nga Impluensia,” ken “Taginayonenyo ti Talna iti Sangakabbalayanyo.”

Mabalinmo ti agkiddaw iti daytoy a libro no suratam ti naipakuyog a kupon ken ibusonmo dayta iti adres a makita iti kupon wenno iti maitutop nga adres iti panid 5 daytoy a magasin.

□ Kayatko ti maaddaan iti Ti Sekreto ti Kinaragsak iti Pamilia.

□ Interesadoak iti libre a panagadal iti Biblia.