Libro a Nangpasayaat iti Biag Daytoy nga Ubing

Adu a tawen ti napalabasen, nagsurat ni Savinien, maysa nga ubing a lalaki nga agtawen iti siam ken agnanaed iti bassit nga ili idiay Pennsylvania, E.U.A., tapno agyaman gapu iti Ti Librok Dagiti Estoria ti Biblia. Inlawlawagna a kalkalpasna a binasa dayta, nga aduan iti retrato a mangitampok kadagiti tattao ken pasamak a nadakamat ti Biblia.

Kastoy ti insuratna kadagiti nangipablaak iti libro: “Sapay koma ta itultuloyyo ti agimprenta iti daytoy a libro tapno kanayon a maparegtayo dagiti ubbing a kas kaniak a mangammo iti ad-adu pay maipapan iti Biblia.

“Nasursurok iti daytoy a libro nga umiso ti intero a Biblia, ket naisurat tapno isuronatayo ken maaddaantayo koma iti namnama iti masanguanan.

“Naammuak daytoy gapu ta maseknankayo kadakami nga ubbing ken pinagbalinyo a simple daytoy nga impormasion tapno nalaklakami a maawatan.”

Ania ti naaramidmon tapno maparegtam ti anakmo nga agsursuro? Mabalinmo ti agkiddaw iti kopia Ti Librok Dagiti Estoria ti Biblia nga addaan iti 256 a panid ken 116 nga estoria a mangitampok kadagiti tattao ken pasamak iti Biblia. Suratam laeng ti naipakuyog a kupon ken ibusonmo dayta iti naipaay nga adres wenno iti maitutop nga adres iti panid 5 daytoy a magasin.

□ Kayatko ti maaddaan iti libro a Ti Librok Dagiti Estoria ti Biblia.

□ Interesadoak iti libre a panagadal iti Biblia.