Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 27 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Sigun ken ni Pedro, apay nga inaramid ti Dios a “maysa a napili a puli” ti naespirituan nga Israel? (1 Pedro 2:9)

2. Ania ti immuna a milagro ni Jesus, ket nangaramidanna iti dayta? (Juan 2:1-11)

3. Manipud iti ania a pinarsua ti Dios ti komplimento ni Adan a ni Eva? (Genesis 2:22)

4. Siasino ti nalatak a lalaki iti Israel a nagdinamag dagiti annakna kas “awan kaes-eskanda a lallaki”? (1 Samuel 2:12)

5. Ania a pagrukod idi un-unana ti katupag ti homer ken katupag ti sangapulo a bat? (Lucas 16:7)

6. Nupay ammo dagiti Fariseo no kasano nga itarusan ti langa ti tangatang, ania ti imbaga ni Jesus a dida matarusan? (Mateo 16:3)

7. Iti padto ni Ezequiel, siasinonto ti mangraut iti ili ti Dios, nga agnanaed a sitatalged ken sinanam-ay? (Ezequiel 38:14-16; 39:11)

8. Apay a kinuna ni Jesus kadagiti relihioso a papanguluen a ti panagdayawda “kadagiti bibigda” ket barengbareng? (Marcos 7:6, 7)

9. Siasino nga anak ni Noe ti nairaman iti pasamak a nakailunodan ti anakna a ni Canaan? (Genesis 9:22-25)

10. Ti daga ti ania a tribu ti nagbalin a katupag ti umamianan nga ungto ti daga ti Israel? (Uk-ukom 20:1)

11. Ania ti pangawag kadagiti sag-ut a maikabil a paundoy iti pagabelan? (Isaias 38:12)

12. Ania ti impagteng ni David idi naibaga nga agpili iti maysa kadagiti tallo a pannusa kalpasan a sinukirna ti Dios ken binilangna ti Israel? (2 Samuel 24:12-15)

13. Ania a tallo a libro iti Biblia ti insurat ti Judio a padi a ni Esdras?

14. Ania a probinsia ti inammo ni Gobernador Felix a naggapuan ni Pablo? (Aramid 23:34)

15. Siasino ti nagserbi kas mamangulo iti buyot agpaay ken ni Absalom idi immalsa a maibusor ken David ken agpaay ken ni David idi natayen ni Absalom? (2 Samuel 17:25; 19:13)

16. Siasino ti pinili ni Heneral Joab a mangipakaammo ken ni Ari David a natayen ti anakna a ni Absalom? (2 Samuel 18:21, 32)

17. Ania ti nakapanunotan ni Jacob a ti anakna ket inalun-on ti maysa nga atap nga animal? (Genesis 37:31-33)

18. Ania ti nagan ti anghel a nangibaga ken ni Maria nga isu ti napili a mangipasngay ken Jesus? (Lucas 1:26-31)

 Dagiti Sungbat ti Pannubok

1. Tapno ‘ideklarada a sisasaknap dagiti kinatan-ok’ ti Dios

2. Pinagbalinna nga arak ti danum; Cana

3. Maysa a paragpag nga innalana ken Adan

4. Ni Eli

5. Ti cor

6. “Dagiti pagilasinan dagiti tiempo”

7. Ni Gog ken ti “bunggoyna”

8. Agsipud ta “dagiti pusoda adayo” kenkuana

9. Ni Ham

10. Dan

11. Ti gan-ay

12. Angol

13. Umuna a Cronicas, Maikadua a Cronicas, Esdras

14. Cilicia

15. Ni Amasa

16. Maysa a di nainaganan a Cusita

17. Naipakita kenkuana ti nagayad a garitgaritan a kawes ni Jose, a naisawsaw iti dara ti kalding

18. Ni Gabriel