Apay a Nagadu ti Relihion?

Maysa a babai ti nagsurat iti sanga nga opisina dagiti Saksi ni Jehova idiay Guatemala ket insalaysayna ti pannakisaritana iti maysa a Saksi a nakalugananna iti bus. “Nagsaritaanmi no apay a nagadu ti relihion,” inlawlawag ti babai. Kalpasanna, kinunana nga inruar ti Saksi ti maysa a kopia ti broshur nga Ania ti Kalikaguman ti Dios Kadatayo? ket inukagna iti topiko a “Kasanoyo a Masarakan ti Pudno a Relihion?” “Nasdaawak iti tema,” insurat ti babai. “Idi laeng a nabigbigko a masapul nga adda laeng ti maysa a grupo dagiti pudno a managdaydayaw.”

Idi naaddaan iti gundaway a mangbasa iti broshur, kasta unay ti pannakagutugotna. Isu a kinunana: “Nagsuratak tapno maammuak no matulongandak a maaddaan iti panagadal iti Biblia nga usaren daytoy a broshur agsipud ta pudno la ketdi ti linaonna.”

Ti 32 a panid a broshur nga Ania ti Kalikaguman ti Dios Kadatayo? ket kas iti kadakkel daytoy a magasin. Mainayon pay iti topiko a nadakamat nga immuna, sungbatan ti broshur dagiti saludsod a kas iti:

▪ Siasino ti Dios?

▪ Ania ti panggep ti Dios iti daga?

▪ Ania ti Pagarian ti Dios?

▪ Kasano a maaddaanka iti naragsak a biag ti pamilia?

Mabalin a magunggonaanka met no basaem ti Ania ti Kalikaguman ti Dios Kadatayo? No kayatmo ti agkiddaw iti kopia, suratam laeng ti naipakuyog a kupon ken ibusonmo iti adres a naipaay wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti kopia ti broshur nga Ania ti Kalikaguman ti Dios Kadatayo?

□ Interesadoak iti libre a panagadal iti Biblia.