Awisendakayo iti Kapatgan a Taripnong iti Tawen!

Inton Huebes, Marso 24, 2005, adda maangay nga okasion a diyo kayat a pakaikapisan. Iti dayta nga aldaw, nasurok nga innem a milion a Saksi ni Jehova iti intero a lubong ti agtataripnong a kadua dagiti minilion a gagayyemda tapno laglagipen ti maudi a panangrabii idi ni Jesus a kadua dagiti adalanna. Maitunos kadagiti bilin ni Jesus, maipasa ti di nalebaduraan a tinapay ken ti nalabaga nga arak iti kada panagtataripnong, ken mailawlawag ti kaipapanan daytoy a seremonia.​—Marcos 14:22-24.

Para iti adu a tattao, maawagan daytoy nga okasion iti Pangrabii ti Apo. Awagan dayta dagiti Saksi ni Jehova a Panglaglagip iti ipapatay ni Kristo. Dayta ti napateg a mangipalagip iti panagsakripisio ni Jesu-Kristo idi natay a maigapu iti managbasol a sangatauan. (Juan 3:16; 1 Juan 2:2) Kalpasan ti maudi a pangrabiina, naaresto ni Jesus ken natay kamaudiananna iti kayo a pagtutuokan a kas man la kadawyan a managdakdakes.​—Juan 19:17, 18.

Naimpusuan nga awisendakayo iti daytoy naisangsangayan a panagtataripnong, ti kapatgan iti tinawen a kalendario dagiti Saksi ni Jehova. Pangngaasiyo ta makiumankayo iti Kingdom Hall iti lugaryo para iti eksakto nga oras ken ti pakaangayanna.