Ammoyo Kadi?
Ammoyo Kadi?
(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 19 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)
1. Aglaylayag dagiti adalan ni Jesus nga agturong iti ania a siudad idi nakitada a magmagna ni Jesus iti baybay? (Marcos 6:45-49)
2. Ania ti impanagan ni Jesus ken ni Simon nga anak ni Juan? (Juan 1:42)
3. Siasinoman a mayat nga agbalin nga umuna kadagiti kakabsatna ket masapul nga agbalin nga ania kadakuada? (Marcos 10:44)
4. Imbaga ni Jehova a panawan ni Abram ti ania a siudad dagiti Caldeo? (Genesis 11:31; 12:1)
5. Apay a kondenaren ti Linteg ti Dios iti Israel ti panagsapul kadagiti partaan? (Deuteronomio 18:10-13)
6. Aniada a bendision ti imbaga ni Jesus nga awaten dagiti Kristiano a mangawis kadagiti napanglaw, lugpi, pilay, ken bulsek kadagiti padayada? (Lucas 14:13, 14)
7. No matay ti maysa a tao, ania ti matay a maibuyog kenkuana? (Eclesiastes 9:6)
8. Kasano a naiduma ti panagbilang ni Jehova iti panagbilangtayo? (2 Pedro 3:8)
9. Ania ti manamnama dagiti Kristiano a maragpatda no sanayenda ti pannakabalin ti pannakaawatda a mangilasin? (Hebreo 5:14)
10. Apay a binaut ni Balaam ti asnana? (Numeros 22:22-25)
11. Ania a kasla bidang ti isuot ti nangato a padi iti rabaw ti asul ken awan manggasna a lambonna? (Exodo 28:4, 31)
12. Ania ti maikadua a siudad a pinarmek dagiti Israelita kabayatan ti panangrautda iti Canaan? (Josue 8:18, 19)
13. Imbaga ni Jesus a kadagiti amin a balo idi, naibaon ni Elias iti siasino laeng? (Lucas 4:26)
14. Ania a prinsipio ti insuro ni Jesus maipapan iti pannakilangentayo kadagidiay gumurgura kadatayo? (Mateo 5:44)
15. Ania ti inabel ti nanang ni Solomon para kenkuana idi aldaw ti panagkasarna? (Kanta ni Solomon 3:11)
16. Sigun iti kinuna ni Solomon, apay a no dadduma saan a mangabak dagiti nasiglat iti lumba? (Eclesiastes 9:11)
17. Ania ti nagan ti dua nga annak ni Jose, a nagtaudan ti dua a tribu ti Israel? (Genesis 41:50-52)
18. Mano a tawen ti imbaga ni Jacob ken ni Faraon a panagnaedna kas ganggannaet? (Genesis 47:7-9)
19. Ania ti inangay ni Jesus a kadua dagiti adalanna iti rabii sakbay ti ipapatayna? (Lucas 22:20)
20. Ania ti nagan ti paralitiko a lalaki a pinaimbag ni Pedro kalpasan a naidaliten iti langkapina iti walo a tawen? (Aramid 9:33, 34)
21. Siasino ti naawagan nga “ina ti isuamin a sibibiag”? (Genesis 3:20)
Dagiti Sungbat ti Pannubok
1. Betsaida
2. Cefas
3. Adipenda
4. Ur
5. Maysa dayta a kita ti panagpadles ken makarimon ken Jehova
6. Magun-odanda ti kinaragsak ken pamendision ti Dios, yantangay awan ti namnamaenda a subad
7. Ti ayat, gura, ken imonna
8. Para ken Jehova, ti sangaribu a tawen ket kas la maysa nga aldaw
9. Ti kinanataengan, ti abilidad a mangilasin iti nagdumaan ti umiso ken di umiso
10. Gapu ta nakitana ti anghel ti Dios a nagsaad iti dalan, pinadas ti asna ti sumiasi iti dalan tapno makapan iti talon
11. Ti efod
12. Ai
13. Ti balo a babai iti “Sarepta iti daga ti Sidon”
14. ‘Ayatenyo dagiti kabusoryo’
15. Balangat
16. Gapu iti “tiempo ken ti di mapakpakadaan a pasamak”
17. Da Manases ken Efraim
18. 130
19. Maysa a pangrabii
20. Eneas
21. Ni Eva