Dayta ti Nangliwliwa Kenkuana

Adda balasang idiay Japan a nabiit pay a nagsurat gapu ta agsagsagaban iti depression sipud pay idi agtawen iti sangapulo ket maysa. Imbaga daytoy nga agtutubo a ti ladawan ti maysa nga ubing nga ar-arakupen ni tatangna a naipablaak iti magasinmi a Ti Pagwanawanan ti nangliwliwa kenkuana. Kastoy ti mabasa iti kapsion: “Kas iti nabara nga arakup ti naayat nga ama, dagiti pangliwliwa ni Jehova maep-epna ti panagdandanagtayo.”

Inlawlawag ti balasang a ti panagbasana iti libro nga Agsursuroka iti Naindaklan a Mannursuro ti nangliwliwa met kenkuana. Kasano? “Naisurat dayta iti estilo a makisarsarita ti maysa nga ama iti maysa nga ubing. No basbasaek dayta, kas man la ar-arakupennak ni Jehova, isu a diak mapengdan dagiti luak. No dadduma, kayatko laeng nga adda dumngeg ken makisarita kaniak tapno makapagimdengak kenkuana. Ngem nupay maitutop para iti maysa nga ubing a kiddawenna dayta, diak maibaga iti asinoman nga arakupendak wenno kayatko a kasaritadak. Isu nga ita, dayta ti ar-aramiden ni Jehova kaniak babaen daytoy a libro.”

Nairuar idi 2003 daytoy napintas dagiti ladawanna ken 256 ti panidna a libro. Mabalinmo ti agkiddaw iti kopia no suratam ti naipakuyog a kupon ken ibusonmo dayta iti naipaay nga adres wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti libro nga Agsursuroka iti Naindaklan a Mannursuro.

□ Interesadoak iti libre a panagadal iti Biblia.