Maliwliwada Dagiti Agledleddaang

Maysa a babai idiay Jalisco, Mexico, ti nagsurat iti sanga nga opisina dagiti Saksi ni Jehova sadiay. Kiniddawna: “Pangngaasiyo ta patulodandak iti adu a broshur a No Adda Matay nga Ay-ayatenyo. Saanak a maysa kadagiti Saksi ni Jehova, ngem adu ti patiek kadagiti kapanunotanyo.”

Kastoy ti inlawlawag ti nagsurat no apay nga agkidkiddaw: “Magustuak dagiti broshur agsipud ta patiek a nasayaat dagitoy a maited iti dadduma kadagiti umay gumatang iti sabsabong iti tiendaanmi. Ti tuktukoyek isu dagidiay assawa wenno annak a gumatang iti korona para kadagiti minatayda. Patiek a dakkel ti maitulong dagitoy a broshur kadakuada.”

Nalabit maliwliwaka wenno adda ammom a maliwliwa no mabasana daytoy 32 ti panidna a broshur. Sungbatanna dagiti saludsod a kas iti: Kasano a maibturak ti ladingitko? Ania ti maitulong ti sabsabali tapno makaibturak? Ania ti sigurado a namnama kadagiti natay?

Mabalinmo ti agkiddaw iti daytoy no suratam ti naipakuyog a kupon ken ibusonmo dayta iti adres a makita iti kupon wenno iti maitutop nga adres a nailista iti panid 5 daytoy a magasin.

□ Kayatko ti maaddaan iti broshur a No Adda Matay nga Ay-ayatenyo.

□ Interesadoak iti libre a panagadal iti Biblia.