Ania ti Panggep ti Dios Kadatayo?

▪ Tapno agbiag laeng aya iti ababa a tiempo ditoy daga​—nalabit 70 wenno 80 a tawen​—sa matay? Panggep aya ti Dios nga alaen dagiti naimbag a tattao tapno agbiagda idiay langit? Apay a pinarsua ti Dios ti daga? Tapno agbalin aya a temporario a pagtaengan ti tattao?

Isuro ti 32 ti panidna a broshur a Tagiragsakenyo ti Biag nga Agnanayon Ditoy Daga! nga inaramid ti Dios ti daga tapno manayon a pagtaengan ti tattao. Naaramid ti dagatayo tapno, no maaywanan a naimbag, agbalin a napintas a paraiso. Dagiti benneg ti broshur nga “Apay a Matay ti Tao?” ken “Ania ti Ipapatay?” ti mangipakita no ania ti dakes a napasamak ket dagiti paset a, “Ni Jehova Ikkannatayo iti Manangisalakan” ken “Kasano a Maisalakantayo Manipud Basol ken Ipapatay” ti mangipalgak no kasano nga agbalinto ti daga a napintas a paraiso a pagtaengan ti sangatauan.

Ti broshur ket addaan iti nasurok a 75 a ladawan, ken maysa wenno ad-adu pay a teksto iti Biblia ti nailista iti tunggal ladawan. Dagitoy a teksto ti mangted iti pagibasaran iti saritaan maipapan kadagiti ladawan. No adda annakmo, mabalinmo nga usaren dagiti ladawan a tumulong kadakuada a mangammo maipapan kadagiti panggep ti Dios.

Tapno maaddaanka iti dayta, suratam laeng daytoy a kupon ken ibusonmo dayta iti adres a naipaay wenno iti maitutop nga adres iti panid 5 daytoy a magasin.

□ Kayatko ti maaddaan iti broshur a Tagiragsakenyo ti Biag nga Agnanayon Ditoy Daga!

□ Interesadoak iti libre a panagadal iti Biblia.