Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 19 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Nupay saan nga espesipiko ti kaaduna, ania ti kinalikaguman ni Jehova iti nasion ti Israel a kasayaatan nga idatonda kenkuana? (Exodo 23:19)

2. Agsipud ta tagtagiragsaken ti ili ti Dios ti kinarang-ay ken kasla di masalsalakniban, siasino ti magutugot a mangraut kadakuada? (Ezequiel 38:10-12, 14-16)

3. Gapu ta namnamaenna a pasuksokan ni Pablo, siasino nga opisial ti namagtalinaed iti apostol a nakabalud iti dua a tawen idiay Cesarea? (Aramid 24:26, 27)

4. Ania ti rumbeng nga ipukkaw dagiti agkukutel idiay Israel kas pakdaar iti sabsabali a dida umasideg tapno saanda a maakaran? (Levitico 13:45)

5. Ania ti inkabil ni Jacob a pagilasinan iti tanem ni Raquel? (Genesis 35:20)

6. Apay a namin-adu nga impalubos ni Jehova a makautibo dagiti Israelita? (2 Ar-ari 18:11, 12)

7. Imbes a pammaneknek iti sirib manipud ngato, ania ti imbaga ni Santiago nga ipasimudaag ti panagimon, rinnupir, ken panagulbod maibusor iti kinapudno? (Santiago 3:15)

8. Ania a kayo ti kiniddaw ni Solomon ken ni Ari Hiram a pagbangonna iti templo ken pagaramidna kadagiti arpa ken de kuerdas nga instrumento? (1 Ar-ari 10:11, 12)

9. Siasino ti tallo a tattao nga imbilin ni Jehova a pulotan ni Elias? (1 Ar-ari 19:15, 16)

10. Siasino ti panguluen a padi a “maipaay iti tunggal banag ni Jehova” kabayatan ti panagturay ni Jehosafat? (2 Cronicas 19:11)

11. Imbalakad ni Pablo ken ni Timoteo a sanayenna ti bagina buyogen ti ania a panggep? (1 Timoteo 4:7)

12. Siasino a Faraon iti Egipto ti inabak ni Nabucodorosor idiay Carquemis kabayatan ti panagturay ni Ari Jehoiaquim iti Juda? (Jeremias 46:2)

13. Gapu iti kinasimbeng ni Abigail, ania ti dakes a naliklikan ni David? (1 Samuel 25:31)

14. Ania ti sabali pay a sao a nausar iti Biblia a pangtukoy kadagiti tumatayab? (Genesis 1:26)

15. Apay a mamakdaar ti libro a Proverbio maibusor iti masansan nga isasarungkar kadagiti balay ti sabsabali? (Proverbio 25:17)

16. Kas dinakamat ni Pedro, ti panangkontrol iti ania a paset ti bagi ket dakkel ti maitulongna iti pananggun-od iti anamong ni Jehova? (1 Pedro 3:10-12)

17. Ania nga animal ti naidaton idi naisaad ti Aaroniko a kinapadi? (Levitico 8:22-28)

18. Apay nga imparit ti Dios kadagiti Israelita ti panangmarka iti tato kadagiti bagida? (Levitico 19:28)

19. Ania ti impanagan ni Jacob iti lugar a nangpatalgedanda ken ni Laban iti tulag ti talna? (Genesis 31:43-53)

20. Ania ti kaunaan a milagro ni Jesus? (Juan 2:7-11)

 Dagiti Sungbat ti Pannubok

1. Dagiti umuna a bunga ti daga

2. Ni Gog

3. Ni Felix, ti prokurador ti Judea

4. “Narugit, narugit!”

5. Nangisaad iti adigi iti rabaw ti tanem

6. Saanda a nagmatalek iti tulagda kenkuana

7. “Naindagaan, inaanimal, sinasairo”

8. Algum

9. Ni Hazael kas ari iti Siria, ni Jehu kas ari iti Israel, ken ni Eliseo kas mammadto a kasunona

10. Ni Amarias

11. Patanorenna ti “nadiosan a debosion”

12. Neco

13. Panangibukbok iti dara

14. “Dagiti agtaytayab a parsua”

15. Tapno saanda a mauma kenka ket pudno unay a guraendaka

16. Ti dila

17. Kalakian a karnero

18. Tapno maidumada iti sabsabali a nasion ken tapno maipaganetget kadakuada ti umiso a panagraem iti bagi ti tao kas parsua ti Dios ken usarenda dayta a pangidayaw kenkuana

19. Galeed (nga idi agangay ket nagbalin a Galaad)

20. Pinagbalinna nga arak ti danum