Umayyo Denggen ti Palawag Publiko a “Siasino ti Pagtulnogantayo?”

Adu a tattao ti marimon iti mismo a kapanunotan nga adda rumbeng a pagtulnoganda. Kaaduanna ti mangibaga iti, ‘Kayatko a nawayaak a mangaramid iti kaykayatko.’ Ngem iti kinapudnona, ipatpategtayo amin ti panagtulnog iti inaldaw a panagbiagtayo. Tunggal makangngegka iti pagilasinan a mamakdaar wenno surotem dagiti pammilin, ipakpakitam nga agtultulnogka. Ket siasino ti makailibak a di kasapulan ti panagtulnog kadagiti linteg dagiti sekular nga autoridad tapno mataginayon ti urnos ken talna iti natauan a kagimongan? Panunotem laengen ti mapasamak no sukiren ti amin dagiti linteg trapiko!

Nupay kasta, no iturayan ti tattao ti padada a tattao, saan a kanayon a naimbag dagiti ibungana. Nabayagen a kinuna ti Biblia a “ti tao dinominaranna ti tao iti pakadangrananna.” (Eclesiastes 8:9) Adda aya agturay a maikari a pagtalkan ken pagtulnogantayo? No adda, kasanotay a mailasin? Ania ngay ti manamnamatayo iti panagturayna? Dagitoy a saludsod ti masungbatan iti makagutugot a palawag publiko a “Siasino ti Pagtulnogantayo?” Daytoy a palawag ti maidiskurso kadagiti kombension distrito dagiti Saksi ni Jehova a mangrugi inton sumaganad a bulan. Ginasut a kasta a kombension ti naangayen iti intero a lubong. Tapno maammuan ti pakaangayanna a kaasitgan iti lugaryo, makiumanka kadagiti Saksi ni Jehova iti lugaryo wenno agsuratka iti Watch Tower, P.O. Box 2044, 1060 Manila.