Nagbaliw ti Panangmatmat Dagiti Kaklasena

▪ Ni Victoria (makita iti ngato), ket maysa a taga-Ukraine a balasitang nga agtawen iti 11. Nakiddaw nga agisagana iti report maipapan iti paboritona a libro iti wagas a nagustuan met a basaen dagiti kaklasena. Kinunana: “Inkeddengko nga ipaima kadagiti kaklasek ti libro a Dagiti Saludsod nga Iyimtuod ti Agtutubo​—Dagiti Sungbat nga Epektibo. Iti presentasionko, inlawlawagko ti linaon ti libro ken dagiti prinsipio a nakaibasaranna. Kalpasan ti palawagko, imbagak nga ikkak ida iti dayta a libro kalpasan ti klasemi.”

Ania ti reaksion dagiti kaklasena? “Nakaipaimaak iti 20 a libro iti daydi nga aldaw,” kinuna ni Victoria. “Impagarup dagiti kaklasek a maysa a sekta dagiti Saksi ni Jehova, ngem nagbaliw ti panangmatmatda, ket dua kadakuada ti regular itan nga agbasbasa kadagiti magasintayo!”

Ti libro nga Agimtuod Dagiti Agtutubo sukisokenna ti kapanunotan ken rikna dagiti agtutubo a mangparegta iti makapabileg a panagsasaritada. Sungbatanna dagiti saludsod dagiti agtutubo a kas iti: “Kasano a Maallukoyko dagiti Dadakkelko nga Ikkandak ti Ad-adu Pay a Wayawaya?,” “Kasanoak a Maaddaan ti Pudpudno a Gagayyem?,” ken “Ti Ngay Panagdenna Sakbay ti Panagasawa?” Iti 39 a kapitulona, adu pay a suheto ti mailawlawag.

Tapno makakiddawka iti kopiam, suratam laeng daytoy a kupon ken ibusonmo iti adres a naipaay wenno iti maitutop nga adres a makita iti panid 5 daytoy a magasin.

□ Kayatko ti maaddaan iti libro a Dagiti Saludsod nga Iyimtuod ti Agtutubo​—Dagiti Sungbat nga Epektibo.

□ Interesadoak iti libre a panagadal iti Biblia.