Apresiarenda ti Ayat ti Dios

● Insuro kadatayo ni Jesus nga apresiarentayo ti ayat ti Dios. Kinunana: “Ti Dios inayatna ti lubong iti kasta unay isu nga intedna ti bugbugtong nga Anakna [a ni Jesus], tapno tunggal maysa a mangwatwat iti pammati kenkuana saan koma a madadael no di ket maaddaan iti agnanayon a biag.” (Juan 3:16) Ti ayat ti Dios para kadatayo ken ti makaparagsak a namnama a nagbalin a posible gapu iti sagut ti Anakna ket naipaganetget iti libro nga Umadanika ken Jehova.

Insurat ti maysa a babai idiay Florida, U.S.A.: “Kalpasan a nabasak ti kapitulo 5, talaga a nasdaawak iti ayat, sirib, ken kasta unay a pannakabalin ni Jehova. Bayat a pampanunotek dagiti parsuana, ad-adda manen a napno ti pusok iti panagayat kenkuana.” Kinuna met ti babai a taga-South Dakota, U.S.A.: “Nasurok a 30 a tawenen a marigatanak a mangyebkas iti ayat (wenno diak marikna nga adda mangay-ayat kaniak). Awan ti kapada daytoy a libro iti panangtulongna kaniak.”

Ti 320 ti panidna a libro nga Umadanika ken Jehova salaysayenna dagiti kangrunaan a galad ti Dios: pannakabalin, hustisia, sirib, ken ayat. Mabalinmo ti agkiddaw iti kasta a libro. Suratam laeng ti kupon ken ibusonmo dayta iti adres a makita iti baba wenno iti maitutop nga adres iti panid 5 daytoy a magasin.

□ Kayatko ti maaddaan iti kastoy a libro.

□ Interesadoak iti libre a panagadal iti Biblia.