AGRIINGKAYO! Enero 2014 | Naisangsangayan a Web Site
Kayatmo kadi a maawatan a naimbag ti Biblia wenno sumayaat ti biag ti pamiliam? Maysaka kadi nga agtutubo nga agbirbirok iti balakad? Ti opisial a web site-mi ket makatulong iti amin.
TOPIKO ITI AKKUB
Naisangsangayan a Web Site
Agbalinka a pamiliar iti web site-mi ket kitaem no kasano a magunggonaanka ken ti pamiliam iti di agkupas a sirib a linaon ti Biblia.
Damdamag iti Lubong
Karaman a suheto: kalintegan ti ubing iti abagatan ti Sahara iti Africa, panagbuteng iti cyberbullying iti Italy, ken yaadu ti agkabannuag a Hapones a dina kayat ti mai-promote iti trabaho.
INTERBIU
No Apay a Mamati iti Dios ti Maysa a Microbiologist
Ti di ninamnama a kinakomplikado ti pakabuklan dagiti selula ti nangtignay ken Feng-Ling Yang a sientista iti Taiwan a mangbalbaliw iti panamatina iti ebolusion. Apay?
TULONG PARA ITI PAMILIA
No Kasano a Malabanan ti Di Nasayaat nga Impluensia ti Kakadua
Agaramid iti dakes dagiti nasingpet a tattao gapu iti di nasayaat nga impluensia ti kakadua. Ania ti masapul a maammuam maipapan iti dayta, ken kasano a malabanam?
NO ANIA TI KUNA TI BIBLIA
Panamarsua
Dineskribir ti Biblia ti innem nga “aldaw” a panangparsua ti Dios. Sag-24 oras kadi nga aldaw dagitoy?
LUGLUGAR KEN TATTAO
Panagpasiar Idiay Italy
Nakalatlatak ti Italy gapu ta addaan iti nabaknang a historia, nadumaduma a buya, ken mannakipulapol nga umili. Ammuem ti ad-adu pay maipapan iti daytoy a pagilian ken ti aktibidad dagiti Saksi ni Jehova sadiay.
NADISENIO KADI?
Ti Sekreto ti Napigket a Saput ti Lawwalawwa
Ti saput ti house spider ket addaan iti pigket a nakakapkapet ken nalaka a malkab no kasapulan. Ammuem no kasano ken apay.
