MAADAL NGA ARTIKULO 39
“Adtoy! Adda Dakkel a Bunggoy”
“Adtoy! adda dakkel a bunggoy, nga awan ti tao a makabael a mangbilang, . . . nga agtaktakder iti sanguanan ti trono ken iti sanguanan ti Kordero.”—APOC. 7:9.
KANTA 60 Biagda ti Nakataya
ITI DAYTOY A PANAGADAL *
1. Ania ti kasasaad ni apostol Juan idi agarup 95 C.E.?
IDI agarup 95 C.E., nakarigrigat ti kasasaad ni apostol Juan. Lakayen ken nakabalud iti isla ti Patmos, ken nalabit isu laengen ti sibibiag nga apostol. (Apoc. 1:9) Ammona a dagiti Kristiano ket al-allilawen ken pagsisinaen dagiti bumusbusor. Agparang a dandani idin maawan dagiti pudno a Kristiano.—Jud. 4; Apoc. 2:15, 20; 3:1, 17.
Nakakita ni apostol Juan iti “dakkel a bunggoy” a nakabado iti puraw ken nakaiggem iti bulbulong ti palma (Kitaen ti parapo 2)
2. Sigun iti Apocalipsis 7:9-14, ania a makapagagar a sirmata ti nakita ni Juan? (Kitaen ti ladawan iti akkub.)
2 Iti kasta a nakapimpiman a kasasaad ni Juan, nakaawat iti makapagagar a sirmata maipapan iti masanguanan. Iti sirmata, naibaga kadagiti anghel a tenglenda dagiti makadadael nga angin ti dakkel a rigat agingga iti pinal a pannakaselio ti maysa a grupo dagiti adipen. (Apoc. 7:1-3) Dayta a grupo ket buklen ti 144,000 a kaduanto ni Jesus nga agturay idiay langit. (Luc. 12:32; Apoc. 7:4) Kalpasanna, dinakamat ni Juan ti sabali pay a grupo. Nagdakkel dayta a grupo nga uray la impukkawna: “Adtoy!”—a mabalin a mangipakita a nasdaaw iti nakitana. Ania ti nakita ni Juan? Kunana: “Adda dakkel a bunggoy, nga awan ti tao a makabael a mangbilang, manipud iti amin a nasion, tribu, puli, ken lengguahe, nga agtaktakder iti sanguanan ti trono ken iti sanguanan ti Kordero.” (Basaen ti Apocalipsis 7:9-14.) Nakaragragsak la ketdi ni Juan a makaammo a nakaad-adunto a tattao ti agdaydayaw iti Dios iti umiso a pamay-an!
3. (a) Apay a mapabileg ti pammatitayo iti sirmata ni Juan? (b) Ania ti ammuentayo iti daytoy nga artikulo?
3 Awan duadua a napabileg ti pammati ni Juan iti dayta a sirmata. Ad-adda pay koma ngarud a mapabileg ti pammatitayo
gapu ta agbibiagtayo iti panawen a matungtungpalen dayta a sirmata! Makitkitatayon ti pannakaurnong ti minilion a tattao nga addaan iti namnama a makalasat iti dakkel a rigat ken agbiag nga agnanayon ditoy daga. Iti daytoy nga artikulo, ammuentayo no kasano nga impakaammo ni Jehova iti ilina nasurok a walo a dekadan ti napalabas no siasino ti mangbukel iti dakkel a bunggoy. Kalpasanna, ammuentayo ti dua a banag maipapan iti dayta a bunggoy: (1) ti kadakkelna ken (2) ti paggapuan dagiti mangbukel iti dayta. Dagitoy a detalye ti mangpabileg iti pammati ti amin a mangnamnama nga agbalin a paset daytoy a grupo.PAGBIAGANTO TI DAKKEL A BUNGGOY?
4. Ania a kinapudno iti Biblia ti saan nga ammo ti Kakristianuan, ken kasano a naiduma dagiti Estudiante ti Biblia iti daytoy a banag?
4 Saan nga isursuro ti Kakristianuan ti kinapudno iti Biblia nga agbiagto nga agnanayon ditoy daga dagiti natulnog a tattao. (2 Cor. 4:3, 4) Ita, isursuro ti kaaduan a relihion ti Kakristianuan nga amin a naimbag a tattao ket mapan idiay langit no matayda. Ngem naiduma ti isursuro ti bassit a grupo dagiti Estudiante ti Biblia a mangipabpablaak iti Watch Tower sipud idi 1879. Naawatanda nga isublinto ti Dios ti Paraiso ditoy daga ken agbiagto nga agnanayon ti minilion a natulnog a tattao ditoy daga—saan nga idiay langit. Ngem limmabas pay ti panawen sakbay a naawatanda a naimbag no siasino dagitoy a natulnog a tattao.—Mat. 6:10.
5. Ania ti patien dagiti Estudiante ti Biblia maipapan iti 144,000?
5 Siempre, natarusan met dagiti Estudiante ti Biblia manipud iti Kasuratan nga addanto dagidiay ‘magatang iti daga’ tapno makipagturay ken Jesus idiay langit. (Apoc. 14:3) Dayta a grupo ket buklen ti 144,000 a nareregta ken dedikado a Kristiano a matalek a nagserbi iti Dios bayat nga addada ditoy daga. Ti ngay dakkel a bunggoy?
6. Ania ti patien dagiti Estudiante ti Biblia maipapan iti dakkel a bunggoy?
6 Iti sirmata ni Juan, nakitana dayta a grupo nga “agtaktakder iti sanguanan ti trono ken iti sanguanan ti Kordero.” (Apoc. 7:9) Gapu kadagita a sasao, impapan dagiti Estudiante ti Biblia nga agbiag met ti dakkel a bunggoy idiay langit, a kas iti 144,000. No agpada nga agbiag idiay langit ti 144,000 ken ti dakkel a bunggoy, ania ngarud ti nagdumaan dagitoy a dua a grupo? Pinanunot dagiti Estudiante ti Biblia a ti dakkel a bunggoy ket dagiti Kristiano a saan a naan-anay a nagtulnog iti Dios idi addada pay ditoy daga. Uray sursurotenda dagiti moral a pagalagadan ti Biblia, dadduma kadakuada ti nagtalinaed a miembro dagiti relihion ti Kakristianuan. Impapan dagiti Estudiante ti Biblia a saan nga umanay ti kinaregta dagita nga indibidual tapno makipagturayda ken Jesus. Gapu ta saan unay a nabileg ti ayatda iti Dios, saanda nga agtugaw iti trono no di ket agtakderda iti sanguanan ti trono.
7. Sigun kadagiti Estudiante ti Biblia, siasino ti agbiag ditoy daga bayat ti Sangaribu a Tawen, ken ania ti patienda maipapan kadagiti matalek a tattao idi un-unana?
7 Siasino ngarud ti agbiag ditoy daga? Patien dagiti Estudiante ti Biblia nga inton maurnongen idiay langit ti 144,000 ken ti dakkel a bunggoy, minilion a dadduma pay ti agbiagto met ditoy daga tapno awatenda dagiti bendision nga iyeg ti Sangaribu a Tawen a Turay ni Kristo. Saan a pinanunot dagiti Estudiante ti Biblia nga agserbi ken Jehova dagita a minilion a tattao sakbay ti panangrugi ti Turay ni Kristo. Imbes ketdi, impapanda a masursuruan daytoy a grupo maipapan ken Jehova bayat ti Sangaribu a Tawen. Kalpasanna, maaddaanto iti agnanayon a biag ditoy daga dagidiay mangsurot kadagiti pagalagadan ni Sal. 45:16.
Jehova, ngem madadaelto dagidiay agrebelde. Pinanunot met dagiti Estudiante ti Biblia a mabalin a dadduma kadagiti agserbi kas “piprinsipe” iti dayta a tiempo—a pakairamanan dagiti mapagungar a “mararaem a tattao idi un-unana” (matalek a tattao a natay sakbay ni Kristo)—ket agbiag idiay langit iti panagpatingga ti Sangaribu a Tawen.—8. Ania a tallo a grupo ti impapan idi dagiti Estudiante ti Biblia nga addaan paset iti panggep ti Dios?
8 Gapuna, impagarup dagiti Estudiante ti Biblia nga adda tallo a grupo: (1) ti 144,000, nga agturay a kadua ni Jesus idiay langit; (2) ti dakkel a bunggoy a saan unay a naregta a Kristiano, nga agtakder iti sanguanan ti trono ni Jesus idiay langit; ken (3) ti minilion a tattao ditoy daga a masursuruan maipapan ken Jehova bayat ti Sangaribu a Tawen a Turay ni Kristo. * Ngem iti tiempo nga inkeddeng ni Jehova, ad-adda a rimmaniag ti lawag ti kinapudno maipapan iti daytoy a topiko.—Prov. 4:18.
RIMMANIAG TI LAWAG TI KINAPUDNO
Iti kombension idi 1935, nabautisaran ti nakaad-adu a mangnamnama nga agbiag ditoy daga (Kitaen ti parapo 9)
9. (a) Kasano a makapagtakder ti dakkel a bunggoy iti “sanguanan ti trono ken iti sanguanan ti Kordero?” (b) Apay a lohikal daytoy a pannakaawat maipapan iti Apocalipsis 7:9?
9 Idi 1935, nalawlawagan no siasino ti mangbukel iti dakkel a bunggoy iti sirmata ni Juan. Nabigbig dagiti Saksi ni Jehova a saan a kasapulan a literal nga adda idiay langit ti dakkel a bunggoy tapno makapagtakderda iti “sanguanan ti trono ken iti sanguanan ti Kordero.” Imbes ketdi, simboliko dayta. Uray no adda ditoy daga ti dakkel a bunggoy, makapagtakderda iti “sanguanan ti trono” babaen ti panangbigbigda iti autoridad ni Jehova ken panagpasakupda iti kinasoberanona. (Isa. 66:1) Makapagtakderda iti “sanguanan ti Kordero” babaen ti panangipakitada iti pammati iti daton a subbot ni Jesus. Umasping iti dayta, nadakamat iti Mateo 25:31, 32 nga “amin a nasion”—a pakairamanan dagiti dakes a tattao—ket ‘maurnongto iti sanguanan’ ti nadayag a trono ni Jesus. Nalawag nga amin dagitoy a nasion ket adda ditoy daga, saan nga idiay langit. Lohikal daytoy a nabalbaliwan a pannakaawat ta saan nga ibaga ti Biblia a mapagungar idiay langit ti dakkel a bunggoy. Maysa laeng a grupo ti maikkan iti agnanayon a biag idiay langit—ti 144,000, a kaduanto ni Jesus nga ‘agturay kas ar-ari iti daga.’—Apoc. 5:10.
10. Apay a masapul nga am-ammuen ti dakkel a bunggoy ni Jehova ken agdayawda kenkuana sakbay ti Sangaribu a Tawen?
10 Sipud idi 1935, naawatan dagiti Saksi ni Jehova a ti dakkel a bunggoy iti sirmata ni Juan ket buklen dagiti matalek a Kristiano nga addaan iti namnama nga agbiag nga agnanayon ditoy daga. Tapno malasatanda ti dakkel a rigat, masapul pay nga am-ammuenda ni Jehova ken agdayawda kenkuana sakbay a mangrugi ti Sangaribu a Tawen. Masapul a mangipakitada iti nabileg a pammati tapno ‘malasatanda amin dagitoy a masapul a mapasamak’ sakbay ti Sangaribu a Tawen a Turay ni Kristo.—Luc. 21:34-36.
11. Apay nga impagarup ti dadduma nga Estudiante ti Biblia a nalabit adda dagiti mapagungar idiay langit kalpasan ti Sangaribu a Tawen?
11 Ti ngay pagarup a mapagungar idiay langit ti dadduma a naimbag a tattao ditoy daga kalpasan ti Sangaribu a Tawen? Naisingasing dayta a posibilidad adun a tawen ti napalabas iti Pebrero 15, 1913, a The Watch Tower. Mabalin nga inrasonda, ‘Apay koma a biag laeng ditoy daga ti awaten dagiti matalek a tattao idi un-unana, idinto ta magunggonaan iti biag idiay langit dagiti Kristiano a saan unay a matalek?’ Siempre, naibatay dayta a kapanunotan iti dua a kamali a pagarup: (1) ti dakkel a
bunggoy ket agbiag idiay langit ken (2) ti dakkel a bunggoy ket buklen dagiti saan unay a naregta a Kristiano.12-13. Ania ti bigbigen dagiti napulotan ken ti dakkel a bunggoy maipapan iti namnamada?
12 Ngem kas naammuantayon, sipud idi 1935, nalawagen kadagiti Saksi ni Jehova a dagiti makalasat iti Armagedon ket ti dakkel a bunggoy iti sirmata ni Juan. ‘Malasatandanto ti dakkel a rigat’ ditoy daga, ken “agtultuloy nga ipukpukkawda: ‘Utangmi ti pannakaisalakan iti Diostayo, a situtugaw iti trono, ken iti Kordero.’” (Apoc. 7:10, 14) Kasta met, isursuro ti Kasuratan nga umawatto dagiti mapagungar idiay langit iti banag a “nasaysayaat” ngem iti awaten dagiti matalek a tattao idi un-unana. (Heb. 11:40) Kas resultana, inrugi dagiti kakabsattayo a sigagagar nga iyawis iti sabsabali ti panagserbi ken Jehova a mangnamnamada nga agbiag nga agnanayon ditoy daga.
13 Maragragsakan ti dakkel a bunggoy iti namnamada. Maawatanda a ni Jehova ti mangpili no sadino ti pagserbian kenkuana dagiti matalek nga adipenna, idiay man langit wenno ditoy daga. Bigbigen dagiti napulotan ken ti dakkel a bunggoy a posible laeng ti namnamada gapu iti nagpaiduma a kinaimbag ni Jehova a naipakita babaen ti daton a subbot ni Jesu-Kristo.—Roma 3:24.
NAKADAKDAKKEL
14. Idi 1935, apay nga adu ti mangpampanunot no kasano a matungpal ti padto maipapan iti dakkel a bunggoy?
14 Uray idi nalawlawaganen ti pannakaawat ti ili ni Jehova idi 1935, adu latta ti mangpampanunot no kasano nga agbalin a dakkel a grupo dagiti addaan namnama nga agbiag ditoy daga. Kas pagarigan, agtawen iti 12 ni Ronald Parkin idi nailawlawag no siasino ti mangbukel iti dakkel a bunggoy. Kunana: “Iti dayta a tiempo, agarup 56,000 ti agibumbunannag iti intero a lubong, ket nalabit napulotan ti kaaduan kadakuada. Isu a kasla saan a dakkel ti dakkel a bunggoy.”
15. Kasano a nagtultuloy a naurnong ti dakkel a bunggoy?
15 Nupay kasta, kadagiti simmaruno a dekada, naibaon dagiti misionero iti adu a pagilian, ket nagtultuloy nga immadu ti bilang dagiti Saksi ni Jehova. Kalpasanna, idi 1968, narugian ti programa a panangyadal iti Biblia babaen ti libro a Ti Kinapudno a Mangiturong iti Biag nga Awan Inggana. Gapu iti simple a panangilawlawagna iti Biblia, nakaad-adu ti naginteres iti kinapudno. Iti uppat laeng a tawen, nasurok a kagudua a milion a baro nga adalan ti nabautisaran. Minilion pay ti nabautisaran idi nangrugi a kumapsut ti impluensia ti Iglesia Katolika iti Latin America ken iti dadduma a pagilian ken idi naikkat ti restriksion Isa. 60:22) Iti napalabas a tawtawen, nangaramid ti organisasion ni Jehova iti adu pay nga epektibo a pangtulong tapno maammuan dagiti tattao ti isursuro ti Biblia. Awan duadua a maur-urnongen ti dakkel a bunggoy—a nasurok a walo a milion itan ti bilangda.
ti trabahotayo iti Eastern Europe ken iti dadduma a paset ti Africa. (DAKKEL A BUNGGOY A NAGDUDUMA TI NAGGAPUANDA
16. Sadino ti paggapuan ti maur-urnong a dakkel a bunggoy?
16 Idi insurat ni Juan ti nasirmatana, imbagana nga aggapu ti dakkel a bunggoy iti “amin a nasion, tribu, puli, ken lengguahe.” Kasta met la ti impadto ni propeta Zacarias. Insuratna: “Kadagita nga aldaw, kumpetto ti 10 a tattao manipud iti amin a lengguahe kadagiti nasion, wen, kumpetdanto a naimbag iti bado ti maysa a Judio, nga ibagbagada: ‘Kayatmi ti kumuyog kadakayo ta nangngegmi nga adda kadakayo ti Dios.’”—Zac. 8:23.
17. Ania ti maar-aramid tapno matulongan dagiti tattao manipud iti amin a nasion ken lengguahe?
17 Bigbigen dagiti Saksi ni Jehova a tapno maurnong dagiti tattao manipud iti amin a lengguahe, masapul a maikasaba ti naimbag a damag iti adu a lengguahe. Nasuroken a 130 a tawen nga agipatpatarustayo kadagiti katulongan iti panangyadal iti Biblia, ngem ti ar-aramidentayo Mat. 24:14; Juan 13:35.
ita a panagipatarus iti ginasut a lengguahe ti kadakkelan pay laeng a panagipatarus iti intero a pakasaritaan. Nalawag nga agar-aramid ni Jehova iti milagro iti panawentayo—ur-urnongenna ti dakkel a bunggoy manipud iti amin a nasion. Gapu ta umad-adu ti lengguahe a pakaipatpatarusan ti naespirituan a taraon, agkaykaysa nga agdaydayaw daytoy a grupo a nagduduma ti naggapuanda. Kasta met, pagaammo dagiti Saksi iti naregta a panangasabada ken iti ayatda kadagiti kakabsatda. Talaga a makaparegta dayta!—ANIA TI KAIPAPANAN KADATAYO TI SIRMATA?
18. (a) Maitunos iti Isaias 46:10, 11, apay a ditay masdaaw a tinungpal ni Jehova ti padto maipapan iti dakkel a bunggoy? (b) Apay a saan a marikna dagiti mangnamnama nga agbiag ditoy daga a mapapaidamanda?
18 Magagarantayo unay iti padto maipapan iti dakkel a bunggoy! Saantay a masdaaw a tinungpal ni Jehova dayta a padto iti kasta a nakaskasdaaw a pamay-an. (Basaen ti Isaias 46:10, 11.) Maragragsakan ti dakkel a bunggoy iti namnama nga inted ni Jehova kadakuada. Saanda a marikna a mapapaidamanda gapu ta saan ida a dinutokan ti espiritu ti Dios a makipagturay ken Jesus idiay langit. Iti intero a Biblia, makabasatayo kadagiti nabileg ti pammatina a lallaki ken babbai nga inwanwan ti nasantuan nga espiritu, ngem saanda a paset ti 144,000. Ni Juan a Mammautisar ti maysa kadakuada. (Mat. 11:11) Ni David pay ti maysa. (Ara. 2:34) Mapagungardanto iti paraiso ditoy daga, agraman ti di mabilang a dadduma pay. Aminda—agraman ti dakkel a bunggoy—ket addaanto iti gundaway a mangipakita iti kinamatalekda ken Jehova ken iti kinasoberanona.
19. No maawatantayo ti kaipapanan ti sirmata ni Juan maipapan iti dakkel a bunggoy, ania ti aramidentayo?
19 Iti intero a pakasaritaan ti tao, ita laeng a pinagkaykaysa ti Dios ti minilion a tattao manipud iti amin a nasion. Ti man namnamatayo ket agbiag idiay langit wenno ditoy daga, masapul nga ikagumaantayo a tulongan ti ad-adu pay a tattao nga agbalin a paset ti dakkel a bunggoy dagiti ‘sabsabali a karnero.’ (Juan 10:16) Dandanin iyeg ni Jehova ti naipadto a dakkel a rigat a mangdadael kadagiti gobierno ken relihion a mangparparigat kadagiti tattao. Talaga a naisangsangayan a pribilehio dagiti miembro ti dakkel a bunggoy—ti panagserbi ken Jehova ditoy daga iti agnanayon!—Apoc. 7:14.
KANTA 139 Inton Mapabaro ti Amin
^ par. 5 Ilawlawag daytoy nga artikulo ti sirmata ni Juan maipapan iti padto a pannakaurnong ti “dakkel a bunggoy.” Sigurado a mapabileg daytoy nga artikulo ti pammati ti amin a karaman iti dayta a grupo nga addaan iti naisangsangayan a namnama.
^ par. 8 Kitaen ti Dagiti Saksi ni Jehova—Manangiwaragawag iti Pagarian ti Dios, p. 159-163.