Us-usaren ti adu a kakabsat dagiti artikulo a naitampok iti home page ti jw.org iti ministerioda. Nalaka ngamin nga i-forward wenno i-send ken masansan nga ilawlawagda no kasano a dagiti mapaspasamak ita ket kaitungpalan dagiti padto ti Biblia. No maipapan kadagiti artikulo iti home page, insurat ti maysa a brother: “Naintiempuan unay dagita para iti agdama a pamay-an ti ministeriotayo.”

Ngem regular a masukatan dagiti artikulo a naitampok iti home page. Kasanom ngarud a mabirokan dagiti artikulo nga awanen iti home page?

• Iti home page ti jw.org, i-click ti link a “Kitaen ti Dadduma Pay” iti asideg ti ngato ti page, wenno no selpon ti us-usarem, iti baba dagiti artikulo iti seksion a “Naitampok.” Luktan dayta a link ti page a “Nabiit Pay a Naitampok iti Home Page,” a pakakitaam iti ad-adu pay kadagiti nabiit pay nga artikulo a naitampok.

• Iti jw.org, pilien ti “Libraria,” sa ti “Artikulo nga Addaan Serye,” ken ti “Kanayonan a Topiko.” Iti met JW Library^®, pilien ti “Library,” sa ti “Article Series,” ken ti “Kanayonan a Topiko.” Iti dayta a seksion, makitam ti adu nga artikulo a naitampok iti home page.