Dakkel ti responsabilidad dagiti nagannak a mangisuro kadagiti annakda maipapan ken Jehova. (Efe. 6:4) Ngem nagadu ti impablaak ti organisasion ni Jehova tapno matulongan dagiti nagannak. Kasanoyo a mausar dagita tapno maisuroyo ti annakyo?

• Mapankayo iti JW.ORG. Naglaon dayta iti amin a publikasion para kadagiti ubbing ken agtutubo, a pakairamanan dagiti video ken masuratan a worksheet. a Tapno mabirokanyo dagita, i-type-yo iti search bar ti “Ubbing” wenno “Tin-edyer.”

• Mangpilikayo kadagiti maibagay iti anakyo. Makatulong dagiti adda iti seksion nga “Ubbing” tapno makapilikayo kadagiti activity a maibagay iti anakyo. Tapno mabirokanyo dagita, i-search-yo ti “Proyekto Para iti Panagdaydayaw ti Pamilia.”

• Mangiwayakayo iti tiempo a kadua ti anakyo. Saanyo nga usaren dagiti video-tayo wenno dagiti nayimprenta nga activity tapno laeng adda aramiden ti anakyo a bukbukodna. Pagsasaritaanyo ketdi dayta a kadua ti anakyo tapno matulonganyo nga agbalin a gayyem ni Jehova.