Maysa nga aldaw, binuya ti maysa a sister idiay New Zealand ti video nga ‘Agsisinnakitkayo.’ Maipapan dayta iti pannakipagrikna ni Jehova. Saanna la a marikrikna dayta no di ket ipakpakitana pay. (Isa. 63:​7-9) Kayat nga iyaplikar ti sister ti nasursurona isu a nangbirok kadagiti gundaway a matulonganna ti sabsabali. Iti dayta met la nga aldaw, bayat a makitientienda, nakakita iti babai nga awan paggigiananna a balay. Dinamag ti sister iti dayta a babai no kayatna ti maigatangan iti makan. Nagwen ti babai. Idi agsubli ti sister tapno itedna ti makan, kinasabaanna biit babaen ti tract nga Agpatingganto Pay Ngata ti Panagrigrigat?

Bigla a nagsangit ti babai. Imbagana a Saksi dagiti nagannakna ken insuroda kenkuana ti kinapudno. Ngem nupay adun a tawen ti napalabas, saan a rimmang-ay iti naespirituan. Nupay kasta, nabiit pay nga inkararagna ken Jehova a tulonganna nga agsubli kenkuana. Inikkan isuna ti sister iti Biblia ken nayurnos a mayadalan. a

Mabalintayo a tuladen ti pannakipagrikna ni Jehova kadagiti tattao, agraman kadagiti kabagian ken kakongregasiontayo. Maipakitatayo met a mannakipagriknatayo no mangbiroktayo kadagiti gundaway a makasabaantayo ti sabsabali.