Basaem ti Uk-ukom 11:​30-40 tapno makasursuroka iti inaramid ni Jefte ken ti balasangna maipapan iti panangtungpal kadagiti kari.

Adalem a naimbag ti konteksto. Ania ti nangibilangan dagiti matalek nga Israelita kadagiti inkarida ken Jehova? (Num. 30:2) Kasano nga impakita ni Jefte ken ti balasangna ti pammatida ken Jehova?—Uk. 11:​9-11, 19-24, 36.

Ammuem ti ad-adu pay. Ania ti nalawag a pampanunoten ni Jefte idi nagkari? (w16.04 7 ¶12) Ania dagiti insakripisio da Jefte ken ti balasangna tapno matungpalda ti kari ni Jefte? (w16.04 7-8 ¶14-16) Ania dagiti mabalin nga ikari dagiti Kristiano ita?—w17.04 5-8 ¶10-19.

Panunotem dagiti masursurom. Isaludsodmo iti bagim:

• ‘Ania ti makatulong kaniak tapno matungpalko ti karik idi nagdedikarak?’ (w20.03 13 ¶20)

• ‘Ania dagiti mabalinko nga isakripisio tapno ad-adu ti maaramidak para ken Jehova?’

• ‘Kasano a mapabilegko ti determinasionko a mangtungpal iti karik idi nagkasarkami iti asawak?’ (Mat. 19:​5, 6; Efe. 5:​28-33)