Basaen ti Genesis 37:​23-28; 39:​17-23 tapno maammuam no kasano a naibturan ni Jose ti kinaawan hustisia.

Adalem a naimbag ti konteksto. Apay a napadasan ni Jose ti saan a patas a pannakatrato? (Gen. 37:​3-11; 39:​1, 6-10) Kasano kabayag nga inibturan ni Jose ti kinaawan hustisia? (Gen. 37:2; 41:46) Kadagita a tiempo, ania ti inaramid ken saan nga inaramid ni Jehova para ken Jose?—Gen. 39:​2, 21; w23.01 17 ¶13.

Ammuem ti ad-adu pay. Uray no saan nga agpayso ti impabasol ti asawa ni Potifar ken Jose, awan ti ibaga ti Biblia nga indepensa ni Jose ti bagina. Kasano a makatulong dagiti sumaruno a teksto tapno maawatantayo no apay a posible a kinaykayat lattan ni Jose ti agulimek? Ken apay a saantayo nga ekspektaren a maipakaammo ti amin a detalye? (Prov. 20:2; Juan 21:25; Ara. 21:37) Ania dagiti kualidad a mabalin a nakatulong ken Jose tapno maibturanna ti kinaawan hustisia?—Mik. 7:7; Luc. 14:11; Sant. 1:​2, 3.

Ammuem dagiti masursurom. Isaludsodmo iti bagim:

• ‘Ania a saan a patas a pannakatrato ti namnamaek kas adalan ni Jesus?’ (Luc. 21:​12, 16, 17; Heb. 10:​33, 34)

• ‘Ania dagiti mabalinko nga aramiden ita tapno masaganaak ti aniaman a mapadasakto a kinaawan hustisia?’ (Sal. 62:​7, 8; 105:​17-19; w19.07 2-7)