Kayatmo kadi nga ad-adu ti masursurom iti personal a panagadalmo? Padasem dagitoy a tip tapno makapagpokuska:

• Mangpilika iti naurnos a lugar. No posible, mangbirokka iti lugar a nadalus ken nalawag. Mabalinka nga agtugaw iti sango ti lamisaan wenno mabalinka nga agbirok iti komportable a lokasion iti ruar ti balayyo.

• Mangbirokka iti pribado a lugar. ‘Bigat’ wenno iti agsapa ti pinili ni Jesus nga agkararag iti “lugar nga awan matataona.” (Mar. 1:35) No saan a posible dayta kenka, mabalinmo nga ibaga iti kapamiliam wenno kadagiti kabbalaymo ti eskediul ti panagadalmo. Ken kiddawem a saandaka pay laeng koma nga is-istorbuen iti dayta nga oras.

• Ikagumaam ti agpokus. Liklikam dagiti makaistorbo kenka. No selpon wenno tablet ti us-usarem nga agadal, i-silent wenno i-airplane mode-mo pay laeng. Ket no adda malagipmo a masapul nga aramidem, isuratmo pay laeng dayta sa aramidem kalpasan ti panagadalmo. No medio saanka a makapagpokus, sumardengka pay laeng tapno agpagnapagna wenno aginat-inatka.