Naimbibliaan nga Edukasion a Mangpabileg iti Pammati
Naimbibliaan nga Edukasion a Mangpabileg iti Pammati
“ANIAN a nakapatpateg a pribilehio ti lima a bulan a panangut-utob iti pampanunot ti Namarsua kadatayo ken panangtulad iti panangmatmatna kadagiti bambanag!” kinuna ti pannakabagi ti maika-122 a klase ti Watchtower Bible School of Gilead iti aldaw ti panagraduar. Ti Marso 10, 2007 ket petsa a malaglagipto a kanayon dagiti 56 nga estudiante a maibaon nga agmisionero iti 26 a pagilian.
Kalpasan ti nabara a panangkabbalawna kadagiti 6,205 a timmabuno, kinuna ni Theodore Jaracz, kameng ti Bagi a Manarawidwid: “Masiguradomi a tumibker ti espiritualidadyo ken bumileg ti pammatiyo gapu iti idadar-ayyo iti daytoy a programa ti panagraduar.” Inyam-ammona dagiti agsasaruno nga uppat nga ispiker a mangipaay iti naintiempuan ken naibatay iti Biblia a pammabileg ken balakad a tumulong kadagiti estudiante nga agballigi iti pakaibaonanda.
Pammaregta a Mangpabileg iti Pammati Kadagiti Sabsabali
Ni Leon Weaver, kameng ti Komite ti Sanga iti Estados Unidos, impalawagna ti tema nga “Intultuloyyo ti Agaramid iti Nasayaat.” Pinalagipanna dagiti estudiante nga addaanda iti promedio a 13 a tawen iti amin-tiempo a serbisio, a mangilunglungalong iti edukasion a naibatay iti Biblia tapno mangpabileg iti pammati. Kinunana: “Nagsayaat daytoy a trabaho yantangay mangispal iti biag, ken napatpateg pay, itan-okna ni Jehova, ti nailangitan nga Amatayo.” Pinaregta ngarud ni Kabsat Weaver dagiti estudiante nga itultuloyda ti ‘agimula maipaay iti espiritu’ ken dida “sumuko nga agaramid iti nasayaat.”—Galacia 6:8, 9.
Ni David Splane, kameng ti Bagi a Manarawidwid, nangted kadagiti praktikal a balakad bayat nga impalawagna ti tema a “Siguraduenyo a Nasayaat ti Rubbuatyo.” Pinaregta ni Kabsat Splane dagiti kabbaro a misionero a sayaatenda ti rubbuatda iti teritoriada babaen ti panangannurot kadagiti sumaganad: “Agtalinaedkayo a positibo. Dikay agdardarasudos. Mannakigayyemkayo koma. Dikay manangbabalaw. Napakumbabakayo koma, ken raemenyo dagiti kakabsat iti teritoriayo.” Innayonna: “No dumsaagkayo iti eroplano, itultuloyyo ti nasayaat a rubbuatyo, ket sapay koma ta bendisionan ni Jehova dagiti naimnas a saksakayo bayat nga idanonda ti ‘naimbag a damag ti nasaysayaat a banag’ kadagiti tattao.”—Isaias 52:7.
Hebreo 11:1; Apocalipsis 17:8) Sipud idin, nangipaay ti Gilead iti gundaway kadagiti estudiante tapno mapabileg ti pammatida. Ti nabileg a pammati ti nangtignay kadagiti nagraduar a sireregta a mangiwaragawag iti kinapudno.
“Garantisado a Tawid” ti imbitla ni Lawrence Bowen, instruktor iti Gilead. Impalagipna kadagiti estudiante a nabuangay ti Gilead School idi Gubat Sangalubongan II buyogen ti naan-anay a panagtalek iti kaitungpalan ti naimpadtuan a Sao ni Jehova. (Ni Mark Noumair, ti sabali pay nga instruktor iti Gilead, indiskursona ti mamagpanunot a tema nga “Adda Maysa nga Impalagipyo Kaniak.” Intampokna ti ulidan ni 1 Ar-ari 19:21, kinuna ni Kabsat Noumair: “Sidadaan ni Eliseo a nangbalbaliw iti kasasaad ti biagna, inyun-unana ti pagayatan ni Jehova, ket inyud-udina dagiti personal a pagimbaganna.” Kinomendaranna dagiti estudiante gapu iti panangiparangarangda iti kasta a kababalin ken pinaregtana ida nga itultuloyda a tuladen dayta iti baro a teritoriada.
propeta Eliseo, a nangiparangarang iti pammati ken tured bayat nga intungpalna ti annongenna. Maibatay itiTi Pammati Agresulta iti Wayawaya nga Agsao
Napabileg ti pammati dagitoy a misionero bayat ti panageskuelada, ken nakipasetda iti panangasaba kadagiti ngudo ti lawas. Iti paset ni Wallace Liverance, ti sabali pay nga instruktor iti Gilead, insalaysay ken indemostra dagiti estudiante dagiti nasayaat a kapadasanda iti tay-ak. Ti tema ti pasetna a “Winatwattayo ti Pammati, ket Ngarud, Agsaotayo,” impalagipna dagiti sasao ni apostol Pablo iti 2 Corinto 4:13.
Kalpasanna, da Daniel Barnes ken Charles Woody, kameng ti pamilia a Bethel, ininterbiuda dagiti agdama ken dati a misionero. Intampokda ti panangtaripato ken panangbendision ni Jehova kadagidiay matalek nga agserserbi kenkuana. (Proverbio 10:22; 1 Pedro 5:7) Kinuna ti maysa a misionero: “Napasaranmi ken ni baketko ti panangaywan ni Jehova babaen ti edukasion nga impaay ti Gilead. Talaga a napabileg ti pammatimi. Napateg ti pammati gapu ta amin nga adipen ti Dios, a pakairamanan dagiti misionero, maipasangodanto kadagiti suot, parikut, ken pakadanagan.”
Itultuloyyo nga Ilungalong ti Naimbibliaan nga Edukasion a Mangpabileg iti Pammati
Kas maitutop a tampok ti programa ti panagraduar, ni Samuel Herd a kameng ti Bagi a Manarawidwid inlawlawagna ti tema nga “Itultuloyyo a Pabilgen Dagiti Kakabsatyo.” Ania ti panggep ti edukasion nga inawat dagiti estudiante? “Tapno usarenyo koma dagiti dilayo a mangidaydayaw kenni Jehova, mangisuro iti kinapudno iti baro a teritoriayo, ken mangpabileg kadagiti kakabsatyo,” kuna ni Kabsat Herd. Nupay kasta, pinalagipanna dagiti estudiante a posible a makadangran met ti dila. (Proverbio 18:21; Santiago 3:8-10) Pinaregtana dagiti estudiante a tuladenda ti panangusar ni Jesus iti dilana. Naminsan, kalpasan nga immimdengda kenni Jesus, kinuna dagiti adalan: “Saan kadi a rumayrayray ti pusota . . . bayat a lukluktanna idi a naan-anay kadata dagiti Kasuratan?” (Lucas 24:32) Innayon ni Kabsat Herd: “No positibo dagiti sasaoyo, matignayyo ti puso dagiti kakabsat iti teritoriayo.”
Kalpasanna, inawatdan dagiti diplomada sa naibasa ti surat ti apresasion dagiti nagraduar. Kastoy ti linaonna: “Mariknami ti kinadagsen ti responsabilidad a mangusar iti naadalmi a mangitungpal a simamatalek iti annongenmi kas misionero. Ita a sidadaankami a dumanon iti ungto ti daga, ikarkararagmi a ti panagreggetmi makaipaay iti dakkel a pakaidayawan ni Jehova a Dios, ti Naindaklan nga Instruktortayo.” Naimpusuan a nagpapalakpak dagiti timmabuno. Talaga a napabileg ti pammati ti amin a timmabuno iti programa ti panagraduar.
[Blurb iti panid 17]
“No positibo dagiti sasaoyo, matignayyo ti puso dagiti kakabsat iti teritoriayo”
[Kahon iti panid 15]
ESTADISTIKA TI KLASE
Bilang dagiti pagilian a nairepresentar: 9
Bilang dagiti pagilian a pakaibaonan: 26
Bilang dagiti estudiante: 56
Promedio nga edad: 33.4
Promedio a tawen iti kinapudno: 16.8
Promedio a tawen iti amin-tiempo a ministerio: 13
[Ladawan iti panid 16]
Ti maika-122 a Nagturpos a Klase ti Watchtower Bible School of Gilead
Iti listaan ditoy baba, nanumeruan dagiti intar manipud iti sango nga agpalikud, ken nailista dagiti nagan manipud iti kannigid nga agpakannawan iti kada intar.
(1) Howitt, R.; Smith, P.; Martinez, A.; Pozzobon, S.; Kitamura, Y.; Laud, C. (2) Fiedler, I.; Beasley, K.; Matkovich, C.; Bell, D.; Lippincott, W. (3) Sites, W.; Andersen, A.; Toevs, L.; Fusano, G.; Rodríguez, C.; Yoo, J. (4) Sobomehin, M.; Thomas, L.; Gasson, S.; Dauba, V.; Bertaud, A.; Winn, C.; Dobrowolski, M. (5) Yoo, J.; Dauba, J.; Mixer, H.; Newton, M.; Rodríguez, F.; Mixer, N. (6) Laud, M.; Lippincott, K.; Martinez, R.; Haub, A.; Schamp, R.; Pozzobon, L.; Toevs, S. (7) Howitt, S.; Kitamura, U.; Newton, D.; Haub, J.; Sites, J.; Thomas, D. (8) Sobomehin, L.; Matkovich, J.; Fusano, B.; Winn, J.; Schamp, J.; Andersen, D.; Dobrowolski, J. (9) Fiedler, P.; Bell, E.; Beasley, B.; Smith, B.; Bertaud, P.; Gasson, M.