Ni Jesus ti “Mangikkat iti Basol ti Lubong”

Kinuna ni Juan a Mammautisar a ni Jesus ti “mangikkat iti basol ti lubong.” (Juan 1:29) Dayta ti mangipatuldo iti akem ni Jesus a mangispal iti natulnog a sangatauan.

Ngem apay a kasapulan a matay ni Jesus tapno maispal dagiti managbasol?

Ania ti nagapuananna iti situtulok a panangisakripisiona iti biagna?

Siasino dagiti magunggonaan iti ipapatayna?

Ania ti kaipapanan dayta kenka?

Tinawen a ramrambakan dagiti Saksi ni Jehova ti anibersario ti ipapatay ni Jesus. Ita daytoy a tawen, maangay dayta inton Domingo, Abril 17, kalpasan ti ilelennek ti init.

Naimpusuan nga awisendaka dagiti Saksi ni Jehova a makitaripnong kadakuada a mangusig iti kinapateg ti ipapatay ni Jesus. Mailawlawagto ti sungbat ti Biblia kadagiti a saludsod nga adda iti ngato.

Mabalinmo ti tumabuno iti pakaangayanna a kaasitgan iti pagnanaedam. Damagem kadagiti Saksi ni Jehova no ania nga oras ken sadino ti pakaangayanna.