Espesial a Palawag Publiko

Pakasarakantayo iti Tulong a Mangsaranget Kadagiti Agdama a Parikut?

Nakaad-adu ti masarakantayo a balakad iti agdama a lubong. Adu dagiti libro ken programa ti TV a mangbalbalakad kadagiti tattao no kasano a marisutda dagiti problema. Ngem agtultuloy latta dagiti gagangay a parikut. Mabalin a maisaludsodmo, ‘Adda kadi gubuayan ti talaga a mapagtalkan a panangiwanwan?’ Wen adda!

Ti Biblia, nupay rinibun a tawen ti kabayagna, ket naglaon iti di agkupas a prinsipio a makasungbat kadagitoy a saludsod:

▪ Kasano a marisutko dagiti di pagkikinnaawatan ken maaddaanak iti naragsak a relasion iti sabali a tao?

▪ Kasano nga agbalinak a naragsak?

▪ Kasano a madaerak ti rigat ti panagbiag?

▪ Kasano a mabang-aranak iti panagdanagko?

Mailawlawagto dagiti sungbat kadagitoy a saludsod iti palawag publiko a napauluan “Dagiti Prinsipio ti Biblia​—Matulongandatayo Kadi a Mangsaranget Kadagiti Agdama a Parikut?” Daytoy a palawag a naibatay iti Biblia mangngeganto iti intero a lubong iti nasurok a 230 a daga. Iti kaaduan a lugar, maipalawagto daytoy iti lokal a Kingdom Hall dagiti Saksi ni Jehova inton Domingo, Mayo 1, 2011.

Maragsakan dagiti Saksi ni Jehova iti lugaryo a mangawis kadakayo. Mabalinyo a damagen kadakuada ti umiso nga oras ken lugar tapno makatabunokayo.