1 Misterio ti Dios—Pudno Kadi?
1 Misterio ti Dios—Pudno Kadi?
Ti mabalin a nangngegmon: “Misterio ti ar-aramid ti Dios.”
“Di Pulos Matukod ti Ama, Di Pulos Matukod ti Anak, ken Di Pulos Matukod ti Espiritu Santo.”—Ti Kredo ni Athanasius, a mangdeskribir iti Trinidad nga insuro ti adu a simbaan ti Kakristianuan.
Ti isursuro ti Biblia: Kinuna ni Jesus a mabendisionan dagidiay ‘manggun-od iti pannakaammo iti maymaysa a pudno a Dios.’ (Juan 17:3) Ngem no misterio ti Dios, kasano a maaddaantayo iti pannakaammo kenkuana? Imbes nga ilimedna ti kinasiasinona, kayatna nga isu maammuan ti amin a tattao.—Jeremias 31:34.
Siempre, ditayto maammuan ti amin maipapan iti Dios ta nangatngato ti pampanunot ken daldalanna ngem kadatayo.—Eclesiastes 3:11; Isaias 55:8, 9.
Ti maitulong kenka ti panangammom iti kinapudno: No ti Dios ket di matukod a misterio, awan ngarud ti serserbi ti panagreggettayo a mangammo kenkuana. Ngem tulongannatayo a mangam-ammo ken suminged kenkuana. Dineskribir ti Dios ti matalek a lalaki a ni Abraham kas “gayyem[na].” (Isaias 41:8) Insurat met ni David nga ari ti Israel: “Ti kinasinged ken Jehova kukua dagidiay agbuteng kenkuana.”—Salmo 25:14.
Imposible kadi ti agbalin a nasinged iti Dios? Saan, ta kuna ti Aramid 17:27: “[Ti Dios] saan nga adayo iti tunggal maysa kadatayo.” Apay? Babaen iti Biblia, impaay ti Dios ti kasapulantayo tapno maam-ammotayo a naimbag. a
Ibagana kadatayo a Jehova ti naganna. (Isaias 42:8) Impaisuratna ti pannakilangenna kadagiti tattao tapno maammuantayo ti Persona nga agnagan iti dayta. Impalgakna met kadatayo ti rikriknana. “Naasi ken managparabur, nabannayat nga agunget ken naruay iti naayat a kinamanangngaasi ken kinapudno.” (Exodo 34:6) Maragsakan wenno maladingitan iti ar-aramidentayo. Kas pagarigan, ‘nasaktan ti riknana’ idi simmukir kenkuana ti nagkauna a nasion ti Israel, ngem naragsakan kadagidiay nagtulnog kenkuana.—Salmo 78:40; Proverbio 27:11.
[Footnote]
a Para iti kanayonan nga impormasion iti kunaen ti Biblia maipapan iti Dios, kitaem ti kapitulo 1 ti libro nga Ania a Talaga ti Isursuro ti Biblia? nga impablaak dagiti Saksi ni Jehova.
[Blurb iti panid 4]
No ti Dios ket misterioso a Trinidad, kasano ngarud a maam- ammotayo?
[Picture Credit Line iti panid 4]
The Trinity c.1500, Flemish School, (16th century)/H. Shickman Gallery, New York, USA/The Bridgeman Art Library International
