Ania ti Pangibilangam ken Jesus?

Pampanunotem kadi ni Jesus kas kappasngay a maladaga, agsagsagaba a dandanin matay, wenno natan-ok nga Ari?

Ipakaammo ti Biblia a ni Jesus ket maysa itan a mannakabalin nga Ari. Ngem ania ti kaipapanan daytoy kenka?

Adu ti mamati a natay ni Jesus para kadakuada. Kaskasdi, kasano a ti ipapatay ti maysa a tao agarup 2,000 a tawenen ti napalabas, kaipapananna ti biag para kadagiti dadduma ita?

Naimpusuan nga awisendaka a dumngeg kadagiti sungbat ti Biblia kadagita a saludsod. Maipaay daytoy nga impormasion inton agtataripnong dagiti Saksi ni Jehova a manglaglagip iti ipapatay ni Jesus. Ita a tawen, maangay dayta inton Huebes, Abril 5, kalpasan ti ilelennek ti init.

Damagem kadagiti Saksi ni Jehova iti lugaryo ti eksakto nga oras ken lugar a pakaangayanna.

Iti ngudo ti lawas kalpasan ti pananglaglagip iti ipapatay ni Jesus, idatagto met dagiti Saksi ni Jehova ti mamagpanunot a palawag a naibatay iti Biblia a napauluan iti “As-asideg Kadin ti Panungpalan Ngem iti Ipagarupyo?” Daytoy a palawag ket maysa kadagiti kangrunaan a panangikagumaan a mangdanon kadagiti amin a mangipatpateg ken Jesus iti intero a lubong. Awisendaka a tumabuno.