“Saluadam ta Pusom!” Kombension Distrito Dagiti Saksi ni Jehova

TEMA ITI BIERNES

“No Maipapan ken Jehova, Kitaenna No Ania ti Puso”​—1 SAMUEL 16:7.

TEMA ITI SABADO

“Ti Naruay iti Puso Sawen ti Ngiwat”​—MATEO 12:34.

TEMA ITI DOMINGO

‘Agserbi ken Jehova Buyogen ti Naan-anay a Puso’​—1 CRONICAS 28:9.

Iti Biblia, dandani sangaribu a daras a nadakamat ti sao a “puso.” Kaaduan kadagita ti tumukoy iti piguratibo a puso. Ania ti piguratibo a puso? Dayta ti makin-uneg a kinatao​—ti pampanunot, rikna, ken tarigagay ti maysa a tao.

Apay a masapul a saluadantayo ti piguratibo a pusotayo? Tinignay ti Dios ni Ari Solomon a mangisurat: “Iti isuamin a sabali pay a maaluadan, saluadam ta pusom, ta aggubuay iti dayta dagiti ubbog ti biag.” (Proverbio 4:23) Ti kasasaad ti biagtayo ita ken ti namnamatayo nga agbiag iti masanguanan ket agpannuray iti kasasaad ti piguratibo a pusotayo. Apay? Agsipud ta makita ti Dios ti adda iti pusotayo. (1 Samuel 16:7) Ti napateg iti Dios isu ti adda iti kaunggantayo, ti “nalimed a kinatao ti puso.”​—1 Pedro 3:4.

Kasanotayo a masaluadan ti pusotayo? Masungbatan dayta a saludsod iti “Saluadam ta Pusom!” a kombension distrito dagiti Saksi ni Jehova a nangrugi idi Mayo idiay United States ken agtultuloy iti intero a lubong. Maragsakankami a mangawis kenka iti daytoy a tallo nga aldaw a kombension. * Dagiti masursurom ditoy ti tumulong kenka tapno maaramidmo ti pakaragsakan ti puso ni Jehova a Dios.​—Proverbio 27:11.

[Footnote]

[Ladawan iti panid 32]

Retrato iti kannawan: Aus dem Fundus der MÜNCHNER OLYMPIAPARK GMBH, München