KANTA 79
Isurom Ida nga Agtalinaed a Natibker
-
1. Pagragsakantay nga isuro
Karnero ni Jehova.
Impapusodat’ kinapudno.
Indalan ti Dios ida.
(KORO)
Jehova, ikararagmi
Nga aywanam koma ida.
Wen, iti nagan ni Jesus, dawatenmi:
Patibkerem pammatida.
-
2. Ikarkararagantay ida
Gapu ta masuotda.
Isuro, aywanantay ida;
Bumileg, rumang-ayda.
(KORO)
Jehova, ikararagmi
Nga aywanam koma ida.
Wen, iti nagan ni Jesus, dawatenmi:
Patibkerem pammatida.
-
3. Naynayda koma nga’gpannuray
Iti Dios ken ni Jesus.
No agtulnog ken agibturda,
Biagto ti masagrapda.
(KORO)
Jehova, ikararagmi
Nga aywanam koma ida.
Wen, iti nagan ni Jesus, dawatenmi:
Patibkerem pammatida.
(Kitaem met ti Luc. 6:48; Ara. 5:42; Fil. 4:1.)
