Agmaymaysaka kadi ken malidlidayan? No wen, mabalin a mariknam met ti narikna idi ti salmista. Kunana: “Kaslaak iti billit nga agmaymaysa iti rabaw ti atep.” (Salmo 102:7) Makatulong kenka dagiti balakad ti Biblia a mangsango kadagiti problema gapu iti panagmaymaysa.

•  Umasidegka iti Dios

•  Agbasaka kadagiti makaliwliwa a sasao iti Biblia

•  Ammuem no apay a mapaspasamak ti kinadakes iti lubong

•  Liklikam ti sobra a panagdanag

•  Makigayyemka

•  Agehersisioka

 Uray no agmaymaysaka, agbalinka a naragsak no bigbigem a kasapulam nga am-ammuen ti Dios ken agtignayka a mangam-ammo kenkuana. (Mateo 5:3, 6) Dagiti sumaganad ket libre a reperensia a makatulong kenka.

•   Online a Biblia nga umiso ti patarusna ken nalaka a maawatan

•   Ababa a video maipapan iti dadduma a nagpapateg a pannursuro ti Biblia

•   “Sungbat Dagiti Saludsod Maipapan iti Biblia”—Direkta a sungbat kadagiti masansan nga isalsaludsod dagiti tattao

•   “Tuladenyo ti Pammatida”—Ti serye dagiti nabiag a salaysay maipapan kadagiti matalek a lallaki ken babbai iti Biblia

•   “Nadisenio Kadi?”—Ti serye a mangitampok iti kinapintas ken kinakomplikado ti nakaparsuaan

  Adun ti naliwliwa kadagitoy a teksto. Imbes a pampaminsanem a basaen ti sumagmamano a teksto, apay a dim padasen nga usaren ti tiempom nga agmaymaysa a mangpanunot a naimbag iti tunggal teksto ken agkararag?—Marcos 1:35.

•   Salmo 23:1-6

•   Salmo 34:1-22

•   Salmo 46:1-11

•   Salmo 63:6-8

•   Salmo 91:1-6

•   Mateo 6:25-34

•   2 Corinto 1:3, 4

•   Filipos 4:6, 7

•   1 Pedro 5:6, 7

  Nalaklakam a sanguen ti aniaman a narigat a situasion no ammom no apay a mapaspasamak dagita ken no ammom no kasano a solbaren ti Dios dagita.—Isaias 65:17.

•   Apay nga ipalpalubos ti Dios ti panagsagaba?

•   Ania ti kuna ti Biblia maipapan iti sakit ken salun-at?

•   Ania ti pagilasinan dagiti maudi nga aldaw?

•   Siasino dagiti uppat a kumakabalio iti Apocalipsis?

•   Anianto ti aramiden ti Pagarian ti Dios?

  Makatulong dagiti artikulo kadagiti sumaganad a topiko tapno malabanam ti stress a gapu iti panagmaymaysa ken tapno ‘saanka a madanagan.’—Mateo 6:25.

•   Dagiti aramidem tapno malabanam ti stress

•   Panagtalinaed a positibo

•   Panagdanag gapu iti peggad

•   Panagdanag gapu iti kuarta

•   Dagiti pagdandanagan dagiti agtutubo

  Makatulong dagiti gagayyem tapno makapagpanunotka a nasaysayaat ken tapno agbalinka a naragragsak, a nangnangruna a kasapulam no saan a posible ti makapagkikinnita iti personal. No saanka a makaruar iti balayyo, mabalin nga usarem ti videoconferencing wenno tumawagka tapno agtalinaed a nasinged ti panaggagayyemyo ken tapno maaddaanka iti baro a gagayyem. Makatulong dagiti sumaganad nga artikulo tapno makabirokka kadagiti pudno a gayyem ken tapno agbalinka a “pudno a gayyem.”—Proverbio 17:17.

•   Ania ti nasayaat a gayyem?

•   Limlimitaram kadi ti pakigaygayyemam?

•   Kasano no mariknam nga awan gagayyemmo?

•   Agbalinka a nasayaat a gayyem babaen ti panagbalinmo a naparabur

•   Agbalinka a nasayaat a gayyem babaen ti panagbalinmo a managyaman

  Kuna ti Biblia a ‘makagunggona ti panagehersisio.’ (1 Timoteo 4:8, footnote) Makatulong dayta kenka tapno makapagpanunotka a nasaysayaat ken tapno agbalinka a naragragsak nangnangruna no agmaymaysaka. Uray no saanka a makaruar iti balayyo, adda dagiti mabalinmo nga aramiden tapno agtalinaedka nga aktibo.

•   Agwatwatka a kanayon

• Papigsaem ti pisikal ken mental a salun-atmo