Sigun iti World Health Organization (WHO), idi Mayo 23, 2022, addan 6.27 a milion ti natay gapu iti COVID-19. Ngem iti damag idi Mayo 5, 2022, sigun iti panangtantia ti WHO, adayo nga ad-adu ti bilang dagiti natay ngem iti naireport. Imbagana a bayat ti 2020 ken 2021, “ti bilang ti amin a natay a konektado iti COVID-19 pandemic, direkta wenno saan a direkta, . . . ket agarup 14.9 a milion.” Adda kadi ibaga ti Biblia maipapan kadagiti kasta a makapaladingit a trahedia?

•   Impakpakauna ni Jesus nga addanto dagiti “makapapatay a saksakit,” wenno epidemia, bayat ti tiempo a maaw-awagan “iti maudi nga al-aldaw.”—Lucas 21:11; 2 Timoteo 3:1.

 Matungtungpalen ita dayta nga impadto ni Jesus. Tapno maammuam ti ad-adu pay, basaem ti artikulo nga “Ania ti Pagilasinan ti ‘Maudi nga Al-aldaw,’ Wenno ‘Tiempo ti Panungpalan’?”

•   ‘Ti Dios ti amin a liwliwa, liwliwaennatayo iti amin a pakasuotantayo.’—2 Corinto 1:3, 4.

 Adu kadagiti natayan iti ipatpateg iti biag ti naliwliwa iti mensahe ti Biblia. Ammuem ti ad-adu pay kadagiti artikulo a “Panangiliwliwag​—Ti Maaramidam Ita” ken “Ti Kasayaatan a Tulong Para Kadagiti Natayan.”

•   “Umay koma ti Pagariam. Maaramid koma ti pagayatam ditoy daga, a kas sadi langit.”—Mateo 6:10.

 Asidegen a siguraduen ti “Pagarian ti Dios” nga “awanto ti residente a mangibaga: ‘Masakitak.’” (Marcos 1:14, 15; Isaias 33:24) Buyaem ti video nga Ania ti Pagarian ti Dios? tapno maammuam ti maipapan iti daytoy a nailangitan a gobierno ken no anianto ti aramidenna.

 Awisendaka a mangammo iti ad-adu pay maipapan iti ibagbaga ti Biblia tapno mabenepisiaranka ken ti pamiliam kadagiti makatulong a balakad ti Biblia ken makaparagsak a karina.