AGTULTULOYKAYO NGA AGBANTAY!
Dinayyeg ti Napigsa a Ginggined ti Turkey ken Syria—Ania ti Ibaga ti Biblia?
Idi Lunes, Pebrero 6, 2023, dinayyeg ti napigsa a ginggined ti Turkey ken Syria.
“Pinatay ti napigsa a ginggined ti nasurok a 3,700 a tattao iti dakkel a paset ti Turkey ken iti amianan a laud a Syria idi Lunes. Lallalo pay a narigatan ti rinibu a nadangran wenno naawanan iti balay gapu iti nakalamlamiis a winter. Marigrigatan met dagiti tumultulong nga agbirok kadagiti nakalasat.”—Reuters, Pebrero 6, 2023.
Maladingitantayo unay no makadamagtayo kadagiti kasta a trahedia. Kadagiti kastoy a tiempo, makapagtalektayo ken Jehova a “Dios ti amin a liwliwa.” (2 Corinto 1:3) Mangipapaay iti “liwliwa manipud iti Kasuratan” tapno “maaddaantayo . . . iti namnama.”—Roma 15:4.
Maammuantayo iti Biblia:
No ania ti naipakpakauna maipapan kadagiti ginggined.
No pakasarakantayo iti liwliwa ken namnama.
No kasano nga ikkaten ti Dios ti amin a panagrigrigat.
Tapno makitam ti ibagbaga ti Biblia maipapan kadagitoy a topiko, basaem dagitoy nga artikulo:
a Jehova ti personal a nagan ti Dios.—Salmo 83:18.