Idi adda ni Jesus ditoy daga, impakitana nga ay-ayatenna unay dagiti tattao, nga uray la insakripisiona ti biagna para kadakuada. (Mateo 20:28; Juan 15:13) Din agbayag, ipakitananto manen ti ayatna kadagiti tattao inton usarenna ti autoridadna kas Ari ti Pagarian ti Dios a ‘mangpasardeng kadagiti gubat iti intero a daga.’—Salmo 46:9.

 Kitaentayo no ania ti ibagbaga ti Biblia nga aramidento ni Jesus:

•   “Ispalennanto dagiti napanglaw nga agpatpatulong, agraman dagiti marigrigat ken ti asinoman nga awan katulonganna. Maasianto kadagiti marigrigat ken napanglaw, ket ispalennanto ti biag dagiti napanglaw. Isalakannanto ida iti pannakairurumen ken iti kinaranggas.”—Salmo 72:12-14.

 Kasanotayo a maipakita ti apresasiontayo iti amin nga inaramid ni Jesus ken kadagiti aramidennanto pay para kadatayo? Iti Lucas 22:19, imbaga ni Jesus kadagiti pasurotna a laglagipenda ti ipapatayna. Isu nga iti kada tawen, agkakadua dagiti Saksi ni Jehova a manglaglagip iti ipapatayna. Awisendaka nga umatender iti Memorial ti ipapatay ni Jesus inton Domingo, Marso 24, 2024.

Agbirok iti Memorial